Ten Hag ពន្យល់ហេតុផលប្ដូរ Rashford ក្រោយលេងបានតែ១វគ្គបើទោះស៊ុតផង Assist ផង

2024-10-04 02:05:00
ចំនួនមតិ 0 | ចំនួនចែករំលែក 0

ចន្លោះមិនឃើញ

វាគឺជារឿងមួយដ៏ភ្ញាក់ផ្អើលដែលកីឡាករកំពុងតែល្អហើយត្រូវបានគ្រូបង្វឹកប្ដូរចេញជាក់ស្ដែងដូចកាលពីយប់ថ្ងៃទី៤ ខែកញ្ញា ឆ្នាំ២០២៤ ក្នុងការប្រកួតរវាង Porto និង Manchester United ដែល Marcus Rashford ត្រូវបានប្ដូរចេញបន្ទាប់ពីលេងបានតែ៤៥នាទី បើទោះជាគេស៊ុត១ និង Assist មួយក្នុងវគ្គទី១នោះក៏ដោយ។

ទាក់ទងការប្ដូរចេញនេះលោក Erik Ten Hag អ្នកចាត់ការរបស់បិសាចក្រហមបាននិយាយថា គ្មានរឿងអីកើតឡើងចំពោះ Marcus Rashford ទេអ្វីៗជាការរៀបចំរបស់លោក។ ការប្ដូរ Rashford ចេញហើយដាក់ Alejandro Garnacho ព្រោះតែលោកត្រូវការកីឡាករលេងផ្លាស់ប្ដូរគ្នា។

លោកបន្ថែមថា Alejandro Garnacho ជាខ្សែប្រយុទ្ធដ៏គ្រោះថ្នាក់ម្នាក់របស់ Manchester United ដូចគ្នា ដូច្នេះលោកត្រូវតែសម្រេចចិត្តប្ដូរគេចូល។ លោកចង់ឲ្យកីឡាករមានអារម្មណ៍ស្រស់ស្រាយសម្រាប់ការប្រកួតបន្ទាប់នាថ្ងៃអាទិត្យ មិនចង់ឲ្យកីឡាករគ្រប់រូបមានអារម្មណ៍មិនល្អព្រោះតែមិនបានលេងនោះទេ។ និយាយរួមគ្រប់យ៉ាងវាស្ថិតក្នុងការរៀបចំទុកដាក់ទាំងអស់វាមិនចម្លែកអីទេ។

សូមបញ្ជាក់ថា ការប្រកួតរវាត Porto និង Manchester United ក្នុងពានរង្វាន់ UEFA Europa League បានបញ្ចប់ទៅដោយលទ្ធផល៣-៣ ដោយខាងម្ចាស់ផ្ទះ Porto បានធ្វើការនាំមុខ៣-២ ដល់នាទីទី៩០+១ទើបបិសាចក្រហមតាមបានស្មើមកវិញដោយខ្សែការពារ H. Maguire បើគិតទៅ Manchester United មិនទាន់ស្គាល់ពាក្យថាឈ្នះទេក្នុងការប្រកួតពានរង្វាន់លំដាប់ទី២របស់អឺរ៉ុបមួយនេះ៕

ប្រភព៖ Soompi Daro Ly