Ruben Amorim ឆ្លើយយ៉ាងឡូវនៅពេលអ្នកកាសែតសួរអំពី Marcus Rashford

2024-12-31 01:45:00
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅប៉ុន្មានប្រកួតចុងក្រោយនេះគេបានមើលឃើញថា Marcus Rashford កំពុងតែស្ថិតនៅលើប្រធានបទក្ដៅដែលមិនបានស្ថិតក្រោមការជ្រើសរើសរបស់អ្នកចាត់ការថ្មី Ruben Amorim នោះទេ ហើយខ្សែប្រយុទ្ធរបស់អង់គ្លេសរូបនេះក៏ទំនងជាមិនអាចបន្តនៅ Manchester United ទៀតផងដែរ។

ក្រោយប្រកួតចប់ជាមួយ Newcastle United ចាញ់ ២-០ ក្នុងដីខ្លួនឯងយ៉ាងអាម៉ាស់លោក Ruben Amorim ក្នុងនាមអ្នកចាត់ការរបស់ Manchester United បានឆ្លើយទៅកាន់អ្នកកាសែតបែបនេះជុំវិញសំណើឬរឿងរ៉ាវដែលទាក់ទងនឹងការបន្តអាជីពនៅបិសាចក្រហមរបស់ Marcus Rashford ឬក៏ត្រូវចាកចេញ។ ក្នុងសំនួរនេះអ្នកចាត់ការសញ្ជាតិព័រទុយហ្គាល់បានឆ្លើយបែបឈឺៗថា «ខ្ញុំគ្មានពេលគិតពីរឿងនេះទេ បច្ចុប្បន្នខ្ញុំកំពុងគិតពីរឿងក្រុមទាំងមូល។ អ្នកទាំងអស់គ្នាសួរនេះ ព្រោះអ្នកទាំងអស់គ្នាគិតពី Marcus ប៉ុន្តែខ្ញុំគិតតែពីក្រុមប៉ុណ្ណោះ»។

អ្នកចាត់ដដែលបានបន្ថែមថា បច្ចុប្បន្នរូបលោកជាមួយក្រុមទាំងមូលមិនមានបញ្ហាអ្វីទេជាមួយកីឡាករឬក្រុមទាំងមូលគឺមានទំនាក់ទំនងល្អណាស់ លោកបានព្យាយាមតេស្តគ្រប់យ៉ាង ដើម្បីស្វែងរកចំណុចប្រសព្វមួយដែលលោកចង់បាន។ លោកសង្ឃឹមថានឹងអាចស្វែងរកចំណុចល្អមួយសម្រាប់បិសាចក្រហម៕