ខ្សែ​ការពារ​ជម្រើស​ជាតិ​អាហ្សង់ទីន​ Lisandro Martinez ​បាន​របួស​រហែក​សរសៃ​ ACL ដូច្នេះ​​គេ​ត្រូវ​ការ​ពេល​វេលា​ដើម្បី​ព្យាបាល​របួស​នេះ​យ៉ាង​ហោច​ណាស់​៦​ខែ​ទើប​អាច​ត្រឡប់​មក​ជួយ​ក្រុម​វិញ​បាន។

របួស​នេះ​បាន​កើត​ឡើង​​ក្នុង​ការ​ប្រកួត​ដែល Manchester Unites ​បាន​រង​បរាជ័យ​ក្រោម​ថ្វី​ជើង​របស់​ Crystal Palace ២-០ កាល​ពី​យប់​ថ្ងៃ​អាទិត្យ​​ដោយ​ពេល​នោះ​ខ្សែ​ការពារ​វ័យ​២៧​ឆ្នាំ​បាន​ព្យាយាម​ប្រជែង​យក​បាល់​ជាមួយ​ខ្សែ​ប្រយុទ្ធ​របស់ Crystal Palace ។ វា​ជា​រឿង​ដ៏​អាក្រក់​មួយ​របស់​បិសាច​ក្រហម​ ខណៈ​ដែល​ពួក​គេ​កំពុង​តែ​ដុនដាប​ផង​​ ហើយ​ពេល​នេះ​មក​ជួប​បញ្ហា​របួស​នេះ​បន្ថែម​ទៀត​ ខណៈ​ដែល​ខ្សែការពារ​ខាង​លើ​នឹង​ត្រូវ​ខក​ខាន​ជួយ​ក្រុម​រហូត​ដល់​ចប់​រដូវ​កាល​នេះ​តែ​ម្ដង​​។​

នៅ​តំបន់​ស្លាប​ឆ្វេង​នេះ​គេ​មិន​ទាន់​ឃើញ Luke Shaw ​បាន​ត្រឡប់​មកជួយ​ក្រុម​វិញ​បាន​នៅ​ឡើយ​ទេ​ ខណៈ​ដែល​គិត​មក​ដល់​ពេល​នេះ​ចូល​១​ឆ្នាំ​ទៅ​ហើយ​ដោយ​សារ​តែ​របួស​​។ ដូច្នេះ​បិសាច​ក្រហម​ត្រូវ​តែ​​ធ្វើ​យ៉ាង​នា​ព្យាយាម​ធ្វើ​ឲ្យ​បាន​រហ័ស​ស្ដី​ពី​ការ​នាំ​យក​ Ayden Heaven ពី Arsenal ឲ្យ​បាន​លឿន​តាម​ដែល​​អាច​ធ្វើ​ទៅ​បាន​​ ដើម្បី​បំពេញ​ចន្លោះ​ប្រហោង​នេះ​។

​គិត​មក​ដល់​ពេល​នេះ Manchester United កំពុង​ឈរ​នៅ​លេខ​រៀង​ទី​១៣ ក្នុង​តារាង English Premier League ​ហើយ​នៅ​សល់​១៤​ប្រកួត​ទៀត​សម្រាប់​រដូវ​កាល​នេះ៕