ឡៅ ចន្ទ្រា ដាក់មួយឃ្លានេះហ្វេនគុនខ្មែរពេញចិត្តពេញប្រទេស

2025-02-16 01:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

គេដឹងថា ឡៅ ចន្ទ្រា ជាកីឡាករដែលមានសមត្ថភាព និងល្បីល្បាញយូរមកហើយ សិស្សក្នុងក្លិប ៩១១ រូបនេះហាក់ធ្លាក់សមត្ថភាពក្រោយពេលឡើងទម្ងន់ ពិសេសយឺតជាងមុន។

យ៉ាងណាកាលពីថ្ងៃទី១៥ ខែកុម្ភៈ ឆ្នាំ២០២៥ ម្សិលមិញនេះ ចន្ទ្រា បានបង្ហោះមួយឃ្លា ដែលធ្វើឲ្យហ្វេនហ្វេនគុនខ្មែរជាច្រើនពេញចិត្តរូបគេខ្លាំងមែនទែន ខ្លឹមសារនោះមានន័យយ៉ាងដូច្នេះថា «ខ្ញុំពិតជាស្ដាយសមត្ថភាពរបស់ខ្ញុំពេលនោះណាស់ គិតមកដល់ពេលនេះមានរយៈពេល៨ឆ្នាំហើយ បើសួរខ្ញុំថា ពេលនោះវ៉ៃបានលុយប៉ុន្មានចំលើយគឺមិនដូចពេលនេះទេ ពីមុន១ប្រកួត៣០០-៤០០អីហ្នឹង។ តែឥឡូវសម្រាប់អ្នកដែលកម្រិតខ្ពស់១ប្រកួត ៥០០០ទៅ៦០០០ស៊ីផុយ! ហឺមជីវិតអ្នកប្រដាល់មានតែប៉ុណ្ណឹង។ ស៊ូបន្តទៀតទើបជីវិតមានន័យប្រឹងហាត់ឲ្យខ្លាំងក្រែងយកវាមកវិញបានខ្លះ»

គេបានសរសេរទៀតថា «ចង់សួរបងប្អូនថា បើសិនជាខ្ញុំប្រឹងហាត់ឲ្យបាន៧០ភាគរយនៃពីមុនវិញបងប្អូនគាំទ្រទេ? តស់អ្នកតាកែវចាំជួបគ្នាថ្ងៃទី២៣ ខែកុម្ភៈ ឆ្នាំ២០២៥ ប៉ះសៃយុគ ខ្ញុំនឹងធ្វើឲ្យបងប្អូនឃើញថា ចន្ទ្រា ពីមុនមកវិញ! ទោះមិនបាន១០០%ក៏បាន៧០%នៃពីមុនដែរ»។

សូមបញ្ជាក់ថា ការប្រកួតជាមួយ សៃយុគ ចន្ទ្រា បានធ្វើការហ្វឹកហាត់យ៉ាងខ្លាំង ដើម្បីត្រៀមជួបខ្លាចាស់របស់ថៃ ព្រោះវាជាការប្រកួតមួយដ៏ សំខាន់មានការដណ្ដើមខ្សែក្រវាត់ គ្រុឌ ថែមទៀតផង៕

មួយ ហ៊ា