លោក ផាត សូដា ជឿថា បូរិន្ទ នឹងយកឈ្នះ កងភិឆីត ក.កុលការ សងសឹកឲ្យ បញ្ញា បាន

2025-03-20 01:20:00
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក ផាត សូដា គ្រូបង្វឹករបស់ រិទ្ធី បូរិន្ទ មានជំនឿចិត្តយ៉ាងមុតមាំថា សិស្សរបស់ខ្លួនម្នាក់នឹងអាចសងសឹកឲ្យ រិទ្ធី បញ្ញា បានវិញ បន្ទាប់ពីបញ្ញា បានចាញ់ក្រោមដៃជើងខ្លាំងថៃ កងភិឆីត ក.កុលការ កាលពីពេលកន្លងទៅនៅទឹកដីថៃ។

បូរិន្ទ នឹងចូលខ្លួនមកសងសឹកឲ្យបញ្ញា ក្នុងការប្រកួតដណ្ដើមពានអមដោយប្រាក់លាន នៅក្នុងកម្មវិធីប្រកួតសង្វៀនគ្រុឌ ដែលនឹងធ្វើឡើងនៅទឹកដីខេត្តតាកែវនាថ្ងៃទី២៣ ខែមីនា ឆ្នាំ ២០២៥ ។ ក្នុងជំនួបសងសឹកឲ្យមិត្តរួមក្លិបនេះលោក ផាត សូដា យល់ឃើញថា កីឡាករថៃ មិនជាមានអ្វីបារម្ភខ្លាំងសម្រាប់លោកទេ ។

ក្នុងការប្រកួតកាលប៉ះ បញ្ញា កីឡាករថៃ ក៏មិនជាអាចស៊ីដាច់អីជាមួយ បញ្ញា ដែរ គ្រាន់តែការប្រកួតនៅទឹកដីថៃ ដូច្នេះចង់មិនចង់ការដាក់ពិន្ទុវាទៅតាមច្បាប់របស់គេ។ មែនទែនទៅសាច់វ៉ៃកម្ពុជាមានភាគរយលើសផង តែទឹកដីគេ ដូច្នេះថៃគេផ្ដល់ឲ្យកីឡាករគេឈ្នះជារឿងធម្មតាទេ។ មកដល់ការប្រកួតជាមួយ បូរិន្ទ នៅទឹកដីកម្ពុជាលោក ផាត សូដា ជឿយ៉ាងច្បាស់ក្នុងចិត្តថា បូរិន្ទ នឹងឈ្នះការប្រកួតនេះវិញ។ ទាំងតិកនិក និងបច្ចេកទេស សម្រាប់លោក មិនត្រូវការបំពាក់អ្វីច្រើនបន្ថែមទៀតទេ គឺត្រូវការត្រឹមស៊ូសឲ្យបានគ្រាប់គ្រាន់គឺល្អបំផុតហើយ។

លោកយល់ថា សិស្សរបស់លោកម្នាក់នេះមានអ្វីគ្រប់យ៉ាងទាំងអស់តិកនិក និងបច្ចេកទេស គ្រាន់តែការប្រកួត ៥ ទឹកសម្រាប់ក្មេងថ្នាលត្រូវការនោះគឺស៊ូសតែប៉ុណ្ណោះ។ សូមបញ្ជាក់ថា ការប្រកួតរវាង រិទ្ធី បូរិន្ទ និង កងភិឆីត ក.កុលការ គឺធ្វើឡើងក្នុងលក្ខខណ្ឌប្រកួត៥ ទឹក ដណ្ដើមពានដែលវាជាការប្រកួតមួយផ្ដោតលើគុណភាព និងទិសដៅចង់ពង្រឹងកម្រិតថ្នាលរបស់កម្ពុជាក្រោមការរៀបចំរបស់ស្ថានីយទូរទស្សន៍ជាតិកម្ពុជា៕