រាជធានីភ្នំពេញ ថ្ងៃទី១៥ ខែឧសភា ឆ្នាំ២០២៦ — ថ្ងៃនេះគឺជាថ្ងៃប្រវត្តិសាស្ត្រថ្មីមួយសម្រាប់វិស័យម្ហូបអាហារនៅកម្ពុជា ខណៈដែល ធីភីស៊ី ភីហ្សា (TPC Pizza — The Pizza Cambodia) ដែលជាប្រេនភីហ្សាដំបូងគេបង្កប់ដោយអត្តសញ្ញាណខ្មែរសុទ្ធសាធ បានប្រកាសបើកទ្វារស្វាគមន៍អតិថិជនជាផ្លូវការក្នុងពេលតែមួយរហូតដល់ ១១ សាខាទូទាំងរាជធានីភ្នំពេញ។

ក្រោមស្លោក «ភីហ្សាដែលអ្នកចូលចិត្ត» (Pizza You Love) ធីភីស៊ី ភីហ្សា មិនមែនគ្រាន់តែជាអាហាររហ័សទាន់ចិត្តនោះទេ ប៉ុន្តែវាគឺជាសមិទ្ធផលដែលកើតចេញពីការច្នៃប្រឌិត និងការតាំងចិត្តយ៉ាងមុតមាំរបស់កូនខ្មែរ ដើម្បីកសាងប្រេនមួយដែលរឹងមាំសម្រាប់ប្រជាជនដែលរស់នៅក្នុងប្រទេសកម្ពុជា។

អត្តសញ្ញាណខ្មែរដែលបង្កប់ក្នុងគ្រប់ចំណិតភីហ្សា

អ្វីដែលធ្វើឱ្យ ធីភីស៊ី ភីហ្សា មានលក្ខណៈពិសេសដាច់គេ គឺការដាក់បញ្ចូលនូវព្រលឹងវប្បធម៌ខ្មែរទៅក្នុងរចនាបថរបស់ខ្លួន។ ការប្រើប្រាស់រូបសញ្ញា «ក្រមា» មិនមែនគ្រាន់តែដើម្បីសោភ័ណភាពឡើយ ប៉ុន្តែវាជានិមិត្តរូបនៃជីវភាព ភាពអត់ធ្មត់ និងស្មារតីរួមសុខរួមទុក្ខរបស់ប្រជាជនខ្មែរគ្រប់ជំនាន់។ រីឯ «ផ្ការំដួល» ដែលជានិមិត្តរូបនៃជាតិ ក៏ត្រូវបានរំលេចឡើងដើម្បីបង្ហាញពីភាពទន់ភ្លន់ និងភាពថ្លៃថ្នូរដែលស្តែងចេញតាមរយៈសេវាកម្ម និងគុណភាពអាហារ។

ការផ្ដល់តម្លៃដល់កសិករខ្មែរ និងសេដ្ឋកិច្ចជាតិ

ធីភីស៊ី ភីហ្សា បានឈរលើគោលការណ៍ «គាំទ្រផលិតផលក្នុងស្រុក» យ៉ាងខ្ជាប់ខ្ជួន។ រាល់គ្រឿងផ្សំសំខាន់ៗត្រូវបានផ្តល់អាទិភាពបញ្ជាទិញដោយផ្ទាល់ពីកសិករ និងអ្នកផលិតនៅក្នុងប្រទេស។ ការធ្វើបែបនេះមិនត្រឹមតែធានាបាននូវភាពស្រស់ថ្មីនៃរសជាតិនោះទេ ប៉ុន្តែវាក៏ជាការចូលរួមចំណែកយ៉ាងសកម្មក្នុងការលើកកម្ពស់ជីវភាពកសិករ និងជំរុញចរន្តសេដ្ឋកិច្ចជាតិឱ្យកាន់តែរីកចម្រើន។

មោទនភាពនេះកាន់តែរឹងមាំតាមរយៈការសហការជាមួយដៃគូយុទ្ធសាស្ត្រធំៗ ដែលជឿជាក់លើសមត្ថភាពកូនខ្មែរ រួមមាន៖ ធនាគារ អេស៊ីលីដា, ស្រាបៀរកម្ពុជា, កូកា-កូឡា, EAC, M’Pig, Cellcard, និង HMC Broiler។ ការរួមកម្លាំងគ្នានេះបានបង្កើតជាប្រព័ន្ធអេកូឡូស៊ីអាជីវកម្មមួយ ដែលបង្ហាញថា «ខ្មែរអាចធ្វើបាន» និងធ្វើបានយ៉ាងល្អបំផុត។

ចេញពីបេះដូងកូនខ្មែរ ដើម្បីក្តីសុខរបស់គ្រួសារខ្មែរ

ក្នុងឱកាសបើកសម្ពោធនេះ លោក ទេព វិរៈ (Tep Virak) នាយកគ្រប់គ្រងនៃធីភីស៊ី ភីហ្សា បានមានប្រសាសន៍យ៉ាងកក់ក្តៅថា៖ «ខ្ញុំធំដឹងក្តីនៅទីនេះ ខ្ញុំដឹងថាប្រជាជនយើងចង់បានអ្វី នៅពេលពួកគាត់អង្គុយញ៉ាំអាហារ នោះគឺភាពកក់ក្តៅ គុណភាព និងអារម្មណ៍ដែលថាមាននរណាម្នាក់បានយកចិត្តទុកដាក់ពីពួកគាត់។ ការបង្កើត ធីភីស៊ី ភីហ្សា ឡើង គឺដើម្បីសម្រេចឱ្យបាននូវចំណុចដែលប្រជាជនយើងចង់បាន... ថ្ងៃនេះមិនមែនគ្រាន់តែជាការបើកដំណើរការធម្មតានោះទេ ប៉ុន្តែវាជាការចាប់ផ្តើមនៃអ្វីមួយដែលកម្ពុជាអាចហៅបានថាជារបស់ខ្លួនផ្ទាល់»។

គម្រោងពង្រីកខ្លួនកាន់តែខ្លាំង

បន្ទាប់ពីការបើកដំណើរការ ១១ សាខានៅថ្ងៃនេះ ធីភីស៊ី ភីហ្សា ក៏បានបង្ហើបពីគម្រោងពង្រីកសាខាបន្ថែមទៀតនៅត្រឹមចុងខែឧសភានេះ ដើម្បីឆ្លើយតបទៅនឹងតម្រូវការ និងការគាំទ្រយ៉ាងខ្លាំងក្លាពីសំណាក់អតិថិជន។ សូមអញ្ជើញមកទទួលយកបទពិសោធន៍រសជាតិភីហ្សាដែលយល់ចិត្តខ្មែរពិតៗ នៅតាមបណ្តាសាខាដែលនៅជិតលោកអ្នកបំផុតក្នុងរាជធានីភ្នំពេញចាប់ពីថ្ងៃនេះតទៅ។

ធីភីស៊ី ភីហ្សា — ភីហ្សាដែលអ្នកចូលចិត្ត | Pizza You Love