រាជធានីភ្នំពេញ – ធនាគារ វីង (ខេមបូឌា) ម.ក បានសាងនូវសមិទ្ធផលថ្មីមួយទៀតដ៏គួរឱ្យមោទនៈ ដោយទទួលបាននូវពានរង្វាន់ថ្នាក់ជាតិ "កម្រិតមាស" សម្រាប់បរិយាកាសការងារល្អប្រសើរបំផុតប្រចាំឆ្នាំ២០២៦ ក្រោមការវាយតម្លៃលើប្រធានបទ "សហគ្រាសមួយ ជាសហគមន៍សុខសាន្តមួយ"។

នេះគឺជាជោគជ័យដ៏ត្រចះត្រចង់មួយ និងជាការបោះជំហានដ៏អស្ចារ្យ បន្ទាប់ពីធនាគារ វីង ធ្លាប់ទទួលបានពានរង្វាន់កម្រិតប្រាក់កាលពីឆ្នាំ២០២៥ កន្លងទៅ។ ជោគជ័យដ៏វិសេសវិសាលនេះ គឺជាការទទួលស្គាល់ជាផ្លូវការកម្រិតថ្នាក់ជាតិ ចំពោះការប្តេជ្ញាចិត្តដ៏មោះមុត និងកិច្ចខិតខំប្រឹងប្រែងឥតឈប់ឈររបស់ធនាគារ វីង ក្នុងការលើកកម្ពស់សុវត្ថិភាព សុខុមាលភាព និងសុខដុមនីយកម្មនៅកន្លែងធ្វើការ សម្រាប់បុគ្គលិកគ្រប់ជាន់ថ្នាក់។ ធនាគារ វីង តែងតែមានជំនឿយ៉ាងមុតមាំថា ការបង្កើតបាននូវកន្លែងការងារប្រកបដោយភាពកក់ក្តៅ សុវត្ថិភាព និងបរិយាបន្ន គឺជាកាតាលីករដ៏សំខាន់បំផុត ដែលជំរុញឱ្យបុគ្គលិកអាចបញ្ចេញនូវសក្តានុពលពេញលេញរបស់ខ្លួន ដើម្បីផ្តល់នូវសេវាកម្មហិរញ្ញវត្ថុកាន់តែល្អឥតខ្ចោះជូនដល់អតិថិជន និងប្រជាជនកម្ពុជាទូទាំងប្រទេស។

ការផ្លាស់ប្តូរពីកម្រិតប្រាក់កាលពីឆ្នាំមុន មកកាន់ "កម្រិតមាស" ក្នុងឆ្នាំ២០២៦ នេះ បានសរបញ្ជាក់ឱ្យឃើញយ៉ាងច្បាស់ពីការវិវត្តខ្លួន និងការយកចិត្តទុកដាក់ខ្ពស់បំផុតរបស់ថ្នាក់ដឹកនាំធនាគារ វីង ទៅលើតម្លៃធនធានមនុស្ស។ ពានរង្វាន់នេះបានបញ្ជាក់ថា ធនាគារ វីង មិនត្រឹមតែជាធនាគារពាណិជ្ជឈានមុខគេ ដែលផ្តោតលើភាពច្នៃប្រឌិតផ្នែកបច្ចេកវិទ្យាហិរញ្ញវត្ថុប៉ុណ្ណោះទេ ថែមទាំងជា "ផ្ទះទីពីរ" ដែលពោរពេញទៅដោយការយកចិត្តទុកដាក់ សាមគ្គីភាព និងការផ្តល់ឱកាសស្មើៗគ្នាសម្រាប់ការរីកចម្រើនរបស់បុគ្គលិកគ្រប់រូប។

ក្នុងនាមជាធនាគារសម្រាប់ប្រជាជនកម្ពុជា ធនាគារ វីង នឹងបន្តរក្សានូវស្តង់ដារការងារដ៏គំរូនេះ ដើម្បីចូលរួមចំណែកយ៉ាងសកម្មក្នុងការអភិវឌ្ឍសង្គម និងសេដ្ឋកិច្ចកម្ពុជា តាមរយៈការធ្វើជាគំរូនៃ "សហគមន៍សុខសាន្ត" ទាំងនៅក្នុង និងក្រៅកន្លែងធ្វើការ។ សូមចូលរួមអបអរសាទរដល់ថ្នាក់ដឹកនាំ និងបុគ្គលិកនៃគ្រួសារធនាគារ វីង ទាំងអស់ចំពោះសមិទ្ធផលដ៏ត្រចះត្រចង់មួយនេះ!

ធនាគារ វីង - ធនាគារសម្រាប់ប្រជាជនកម្ពុជាគ្រប់រូប!