ឮថា Google សម្ងំផលិត Nexus 6 ប្រជែង iPhone 6 Plus

2014-10-03 16:56:56
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយបញ្ចេញ Nexus 5 អស់រយៈពេលជិតមួយឆ្នាំមក ពេលនេះមានលេចឮថា Google គ្រោងបញ្ចេញ Smartphone ម៉ូដែលចុងក្រោយរបស់ខ្លួនឈ្មោះថា Nexus 6 ដើម្បីប្រជែងនឹង iPhone 6 Plus របស់ Apple ដែលកំពុងចរាចរណ៍លើទីផ្សារ។

ប្រភពដែលបញ្ចេញព័ត៌មានខាងលើឲ្យដឹងថា ផលិតផលជំនាន់ក្រោយរបស់ Google អាចជា Phablet ដែលមានទំហំអេក្រង់ដល់ទៅ ៥,៩ អ៊ីញ និងដំណើរការដោយប្រព័ន្ធប្រតិបត្តិការ Android L។ ម៉ូដែលនេះអាចនឹងត្រូវគេបំពាក់កាមេរ៉ាក្រោយទំហំ 13MP និងកាមេរ៉ាមុខ 2MP។ លើសពីនេះ វាអាចនឹងបំពាក់ Qualcomm Snapdragon 805 processor ដូច Galaxy Note 4 របស់ Samsung ដែរ។

រូបភាពលេចធ្លាយរបស់ Nexus 6

បើតាមការបែកធ្លាយឲ្យដឹងទៀតថា តម្លៃរបស់វាអាចខ្ទង់ ៤០០ ដុល្លារសម្រាប់ទីផ្សារអង់គ្លេស ដែលតម្លៃនេះគឺស្មើនឹងពាក់កណ្ដាលរបស់ iPhone 6 Plus បច្ចុប្បន្នប៉ុណ្ណោះ។

បើអ្វីៗពិតដូចជាការលេចធ្លាយព័ត៌មានមែន នេះជាលើកទី ១ហើយដែល Google ផលិត Phablet ដំបូងរបស់ខ្លួនព្រោះកន្លងមកក្រុមហ៊ុនធ្លាប់បញ្ចេញតែ Smartphone ទំហំ ៤,៩៥ អ៊ីញ Nexus 5 និង Tablet ទំហំ ៧ អ៊ីញ Nexus 7 តែប៉ុណ្ណោះ។

គេទស្សន៍ទាយថា Nexus 6 អាចនឹងត្រូវដាក់លក់នៅថ្ងៃទី ១ វិច្ឆិកាខាងមុខ ដោយផ្អែកនឹងពេលវេលាចេញលក់ Nexus 5 កាលពីឆ្នាំកន្លងទៅ។

ចាំមើល៍ តើ Smartphone បន្ទាប់របស់ Google ពិតជា Nexus 6 មែនឬយ៉ាងណា?

អាន៖ តិចនិកថតរូបឲ្យបានឡូយទាំង ៧ ដែលអ្នកមិនធ្លាប់ដឹង

ប្រែសម្រួល៖ សីហា ប្រភព៖ Dailymail