Viva ជាអ្នកបើកទីផ្សារដំបូងនាំកេរ្តិ៍ឈ្មោះ Suzuki ឲ្យល្បីរន្ទឺរយៈពេលជាង ២០ ឆ្នាំ

2015-01-28 17:11:31
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីជាង ២០ ឆ្នាំមុន ក្រុមហ៊ុន Suzuki បានណែនាំម៉ូតូស៊េរីដំបូង ជាការប្រកាសក្នុងការបើកទីផ្សារនាំយីហោម៉ូតូជប៉ុនមកក្នុងប្រទេសកម្ពុជា។ ម៉ូតូនោះគឺ Suzuki Viva ដែលជាម៉ូតូម៉ាក Suzuki ដំបូងដែលបានចេញលក់លើទីផ្សារ ហើយដែលបានក្លាយជាអ្នកត្រួសត្រាយផ្លូវសម្រាប់ធ្វើឲ្យម៉ូតូ Suzuki មានកេរ្តិ៍ឈ្មោះល្បីរន្ទឺ និងមានការទទួលស្គាល់នៅទីផ្សារអ្នកប្រើប្រាស់។

លោក ចាប ពិសី បុគ្គលិកទំនាក់ទំនងរបស់ក្រុមហ៊ុន OMC ដែលជាក្រុមហ៊ុននាំចូលនិងចែកចាយផលិតផលម៉ូតូ Suzuki បានឲ្យដឹងថា អស់រយៈពេលជិត ២០ ឆ្នាំហើយដែល Suzuki Viva បានបង្ហាញខ្លួនចាប់តាំងពីឆ្នាំ ១៩៩៧ ជាម៉ាកម៉ូតូ Suzuki ដំបូងគេដែលក្រុមហ៊ុនណែនាំលក់លើទីផ្សារប្រទេសកម្ពុជា។

លោកថា ក្នុងរយៈពេលជាង ២០ ឆ្នាំ Viva បានវិវឌ្ឍខ្លួនជាច្រើនជំនាន់និងក្លាយជាការចងចាំរបស់អ្នកប្រើប្រាស់មួយចំនួន ដែលបានទិញប្រើប្រាស់ម៉ូតូគុណភាពពរបស់ជប៉ុន។

លោកពិសី បានបន្តថា Suzuki Viva បានបន្តអភិវឌ្ឍឥតឈប់ឈរដើម្បីឲ្យស្របទៅតាមការវិវឌ្ឍនៃសម័យកាល និងដែលអាចបម្រើតម្រូវការប្រើប្រាស់របស់ពលរដ្ឋគ្រប់ស្រទាប់វណ្ណៈ។ លោកបញ្ជាក់ថា Suzuki Viva មានការចាប់អារម្មណ៍ខ្លាំងនិងលក់ដាច់បំផុតក្នុងអំឡុងឆ្នាំ ២០០៦ ដល់ ២០០៨ អំឡុងមានការផ្ទុះកក្រើកត្រូវប៉ាន់ដីដែលក្នុងមួយខែលក់ចេញមិនក្រោម ៨០០០ គ្រឿងនោះទេ។

លោកបន្តថា បច្ចុប្បន្នViva នៅតែទទួលបានការពេញនិយមពីអ្នកប្រើប្រាស់មួយចំនួន ប៉ុន្តែសន្ទុះគាំទ្រមានការថមថយមិនដូចមុន ដោយសារតែមានការប្រកួតប្រជែងខ្លាំងពីម៉ាកម៉ូតូដទៃទៀត ជាពិសេសការលេចប្រភេទម៉ូតូប្រើលេខអូតូ ដែលកំពុងក្លាយជាទីពេញនិយមសម្រាប់យុវវ័យសម័យថ្មីក្នុងការទិញប្រើប្រាស់។

លោកជឿជាក់ថា ទីផ្សារ Viva នៅតែមានការគាំទ្រ ហើយក្រុមហ៊ុនក៏នៅតែបន្តនាំម៉ូតូនេះមកលក់និងចែកចាយលើទីផ្សារប្រទេសកម្ពុជា ដើម្បីបំពេញតម្រូវការទីផ្សារអ្នកប្រើប្រាស់ដែលត្រូវការម៉ូតូប្រកបដោយគុណភាពល្អ និងតម្លៃធូរថ្លៃ។

អត្ថបទ៖ ប៊ុណ្ណារ៉ា

ពាក្យទាក់ទង

ព័ត៌មានបច្ចេកវិទ្យាក្នុងស្រុក OMC

អត្ថបទពេញនិយម

ទំនប់ដូនទ្រី ដែលប្រើបច្ចេកទេសជីករូងភ្នំមិនធ្លាប់មាននៅកម្ពុជា ពេលសង់រួចនឹងអាចស្រោចស្រពលើផ្ទៃដីកសិកម្មជាង ៣ម៉ឺនហិកតា

ក្រវិលកំប៉ុងគ្រុឌមួយ និងលុយ ៥០០រៀល ផ្លាស់ប្តូរជីវិតកសិករកម្សត់ម្នាក់

សម្តេច ហ៊ុន ម៉ាណែត បញ្ជាក់មូលហេតុដែលមិនបង្កើតមូលនិធិសង់ព្រែកជីកហ្វូណនតេជោ

កម្រណាស់ មិនដឹងជាកើតទុក្ខរឿងអី Justin Bieber ស្រក់ទឹកភ្នែកម៉ាត់ៗ អ្នកគាំទ្រឆ្ងល់គ្រប់គ្នា

បែកគ្នា ២៥ឆ្នាំ ទើបជួបក្នុងវ័យជ្រេរៀងៗខ្លួន ក្នុងឆ្នាំ២០២៤ ប៉ុន្ដែម៉ាក់ថឺង និងមើយចឺយ នៅតែផ្អែមល្ហែម

ការជួសជុលខឿនព្រះលានជល់ដំរី ឈានដល់ដំណាក់កាលចុងក្រោយហើយ

អត្ថបទថ្មី

Thiago Silva នឹងចាកចេញពី Chelsea ក្រោយចប់រដូវកាលនេះ

ក្រុមហ៊ុន ព្រូដិនសលកម្ពុជា ស្វាគមន៍ លោក ពន្លឺ តុលា ជាអគ្គនាយកថ្មីរបស់ក្រុមហ៊ុន

នាថការនីរបាំបុរាណម្នាក់នេះហើយ ធ្វើឱ្យអ្នកទស្សនារឿង «ឃើញក្បាលខ្ញុំទេ?» ស្រែកស្ទើរបែកសាលបញ្ចាំង

កម្មវិធីម៉ូដដ៏ល្បី Phnom Penh Designers Week វិលមកជាថ្មីជាមួយប្រធានបទពិសេសប្លែក

ប៉ះជើងផ្ទាល់ជាមួយឡាន Uni-T ម៉ុង ម៉ានិត លាន់មាត់ថាអស្ចារ្យ ឥឡូវសេរីថ្មីចូល យីអ៊ុនក៏ឡើងមួយក្រឺតទៀត

រូបព្រះពុទ្ធបដិមា ជាង១០០បំណែក ប្រទះឃើញនៅប្រាសាទតាព្រហ្ម