ចង់បានតំណែងនាយក យកសង្សារខ្លួនឯងធ្វើជានុយ

2014-10-04 15:00:06
ចំនួនមតិ 0 | ចំនួនចែករំលែក 0

ចន្លោះមិនឃើញ

ដោយសារគំនិតច្រណែនឈ្នានីសចង់បានមុខមាត់ ឋានៈ តួនាទីជានាយកក្រុមហ៊ុនខ្លាំងពេក ចេតនាបានបង្កើតចិត្តបំផ្លាញមិត្តភ័ក្ដិខ្លួនឯង។ នាយករងចេតនាលេងល្បិចបោកប្រាស់សង្សាររបស់ខ្លួនឲ្យប្រគល់ខ្លួនប្រាណទៅឲ្យកំលោះសេនី ហើយសន្យាថាបើគម្រោងការបានសម្រេចនឹងយកនាងធ្វើជាប្រពន្ធ។

នាយកក្រុមហ៊ុនវ័យក្មេងសេនីសម្បូរស្រីបណ្ដើរណាស់ ព្រោះតែមានរូបរាងសង្ហា និងមានលុយច្រើន ទើបក្លាយជាទីចាប់អារម្មណ៍នៃស្រីៗដូចស្រមោចរោមស្ករអ៊ីចឹង។ ហេតុនេះពេលមានស្រីស្អាតលេចមុខ លេងឫកចង់មកក្បែរខ្លួន គេតែងគិតថាវាជារឿងធម្មតា ដោយមិនបានដឹងការពិតថាស្រីៗទាំងអស់នោះ មករកខ្លួនក្រោមស្នាដៃរៀបចំឆាករបស់នាយករងចេតនាឡើយ។

ចំណងស្នេហាពោរពេញដោយការបោកប្រាស់ ល្បិចធ្វើបាបគ្នាបន្តកន្ទុយមិនដាច់។ ស្រីស្អាតប្រឹងដណ្ដើមបុរសអ្នកមានយកធ្វើប្ដី ចំណែកចេតនា ប្រឹងប្រើល្បិចខ្មៅកខ្វក់បំផ្លាញមិត្តភ័ក្ដិខ្លួនវាយយកមុខតំណែង។ តើលទ្ធផលចុងក្រោយនៃនាយកកំលោះមុខស្រស់ ស្រីចោមមិនខ្វះ សេនីនឹងទៅជាយ៉ាងណា? តើគេអាចរំដោះខ្លួនចេញពីអន្ទាក់ជាហូរហែរបស់ចេតនាបានដែរឬយ៉ាងណា?