Cannavaro ជាប់គុក១០ខែពីបទមិនបង់ពន្ធជូនរដ្ឋ

2015-02-26 17:22:17
ចំនួនមតិ 0 | ចំនួនចែករំលែក 0

ចន្លោះមិនឃើញ

អតីតកីឡាករដែលជួយអ៊ីតាលីលើកពាន FIFA World Cup ២០០៦ Fabio Cannavaro ត្រូវបានតុលាការកាត់ទោសឲ្យជាប់គុក១០ខែ ពីបទគេចមិនបង់ពន្ធជូនរដ្ឋនៅឆ្នាំ២០១៤។

អ្នកចាត់ការក្រុម Guangzhou Evergrande របស់ចិនរួបនេះ ត្រូវបានប៉ូលិសចាប់ផ្ដើមស៊ើបអង្កេតតាំងពីខែតុលា ឆ្នាំ២០១៤មកម្ល៉េះ ហើយក៏ត្រូវបានតុលាការដកសិទ្ធគ្រប់គ្រងទ្រព្យសម្បត្តិទាំងអស់នៅក្នុងផ្ទះរបស់លោកសិនទៀតផង។ ប៉ុន្តែរូបលោក និងក្រុមគ្រួសារមិនព្រមទទួលយកនោះទេ ពោលគឺនៅតែចូលទៅក្នុងផ្ទះដែលតុលាការដកសិទ្ធនោះ ហើយមិនព្រមឱ្យប៉ូលិសចូលទៅស្វែងរកភស្តុតាងឡើយ។ រឿងនេះហើយទើបធ្វើឱ្យតុលាការសម្រេចចិត្តដាក់ឃុំរូបគេពីបទមិនព្រមបង់ពន្ធតែម្ដង។

សូមបញ្ជាក់ថាទ្រព្យសម្បត្តិដែលប៉ូលិសកំពុងតែស៊ើបនៅក្នុងវីឡារបស់បុរសវ័យ៤១ឆ្នាំខាងលើនេះគឺមានរហូតដល់ទៅ១លានអឺរ៉ូឯណោះ ដែលប្រហែលជាមិនទាន់បានបង់ពន្ធជូនរដ្ឋ ដូច្នេះហើយទើបតុលាការបានចាត់វិធានការទៅលើអតីតកីឡាករ Inter Milan, Juventus, និង Real Madrid រូបនេះឱ្យជាប់គុកដល់ទៅ១០ខែ ។ យ៉ាងណាមិញ មេធាវីរបស់លោក Cannavaro បានជួយដោះស្រាយឱ្យនៅក្រៅឃុំជាបណ្ដោះអាសន្នបានហើយ រួមទាំងប្រពន្ធកូនរបស់គេផងដែរ៕

ចុចអាន៖អតីតខ្សែការពារ Real Madrid មកចាក់សាក់នៅថៃដូច Angelina Jolie

ប្រែសម្រួល៖ មុន្នី រម្យ ប្រភព៖ 101greatgoals