រូបរាង​ដ៏​ឡូយ​ឆាយ​និង​ភាព​ប្រណិត​នៃ Panamera S E-Hybrid របស់ Porsche បាន​ធ្វើ​ឲ្យ​រថយន្ត​នេះ​ក្លាយ​ជា​រថយន្ត​ដែល​លេចធ្លោ និង​ទទួល​បាន​ការ​ចាប់អារម្មណ៍​ពី​សំណាក់​អតិថិជន​នៅ​ជុំវិញ​ពិភពលោក ហើយ​ដែល​ធ្វើ​ឲ្យ​ប្រិយមិត្ត​មួយ​ចំនួន​ចង់​សាកល្បង​បើកបរ​រថយន្ត​ដ៏​ទំនើប​នេះ។

លោក Jimmy បុគ្គលិក​ក្រុមហ៊ុន​ឯកជន​មួយ​បាន​ទទួល​ការ​អនុញ្ញាត​ពិសេស​សម្រាប់​ការ​បើកបរ​សាកល្បង​រថយន្ត Panamera S E-Hybrid ដែល​មាន​តម្លៃ​ជិត ២០ ម៉ឺន​ដុល្លារ ដើម្បី​ស្វែង​យល់​ពី​បច្ចេកទេស​និង​លក្ខណៈ​បើកបរ​ដ៏​អស្ចារ្យ​របស់​វា​។

តើ​លោកមាន​ការ​ចាប់​អារម្មណ៍​នៅ​ពេល​បាន​បើកបរ​សាកល្បង​រថយន្ត​ដ៏​ទំនើប​នេះ?

http://youtu.be/LN6KR8Qm7RA

Panamera S E-Hybrid ជា​រថយន្ត​ដ៏​ទំនើប​របស់​ក្រុមហ៊ុន Porsche ដែល​ចាត់​ទុក​ថា​ជា​រថយន្ត​ដែល​ស៊ី​សាំង​តិច​បំផុត​ជាមួយ​កម្រិត​ស៊ី​ប្រេង​សាំង​ជាមធ្យម​ប្រហែល​ ៣.១ លីត្រ​ ក្នុង ១០០ គីឡូម៉ែត្រ។ រថយន្ត​នេះ​ដំណើរការ​ដោយ​ថាមពល​អាគុយ ដែល​នេះ​មិន​ត្រឹម​តែ​ជួយ​សន្សំ​លើ​ការ​ប្រើប្រាស់​ថាមពល ប៉ុន្តែ​ក៏​ជួយ​ការ​ពារ​បរិស្ថាន​ផង​ដែរ។

ចំពោះ​តម្លៃ​វិញ​ Panamera S E-Hybrid តម្លៃ​ជិត ២០ ម៉ឺន​ដុល្លារ។

អត្ថបទ៖ ប៊ុណ្ណារ៉ា