គង់ ផារិទ្ធ គាំទ្រ Pacquiao តែមិនច្បាស់ពីលទ្ធផល
- 2015-04-30 13:30:55
- ចំនួនមតិ 0 | ចំនួនចែករំលែក 0
គង់ ផារិទ្ធ គាំទ្រ Pacquiao តែមិនច្បាស់ពីលទ្ធផល
ចន្លោះមិនឃើញ
លោកគង់ ផារិទ្ធបានគាំទ្រកំពូលអ្នកប្រដាល់អាស៊ី Manny Pacquiao សម្រាប់ការជួបប្រកួតជាមួយកំពូលអ្នកប្រដាល់អាមេរិក Floyd Mayweather នៅចុងសប្ដាហ៍នេះ បើទោះបីលោកគិតថាលទ្ធផលឈ្នះរបស់ Pacquiao អាចស្ថិតនៅក្នុងការសង្ស័យក៏ដោយ។
លោកគង់ ផារិទ្ធ ដែលរកឃើញវិធីសាស្ត្រក្នុងការទាញថាមពលព្រះអាទិត្យបម្លែងជាថាមពលអគ្គិសនី និងក៏ជាអ្នកស្នេហាប្រដាល់មួយរូបដែរនោះបានប្រាប់ថា លោកធ្លាប់បានទស្សនាការឡើងប្រកួតរបស់ Pacquiao ជាច្រើនដងមក និងមើលឃើញពីសមត្ថភាពរបស់កំពូលអ្នកប្រដាល់រូបនេះថាខ្លាំងពិបាករកគូប្រៀប ប៉ុន្តែក្នុងជំនួបប្រកួតជាមួយកំពូលអ្នកប្រដាល់មិនធ្លាប់ចាញ់របស់អាមេរិក ធ្វើឲ្យលោកហាក់មានការស្ទាក់ស្ទើរក្នុងការនិយាយពីលទ្ធផល។
“ខ្ញុំគិតថា Pacquiao អាចពិបាកយកឈ្នះដោយសារ Floy ជាកីឡាករប្រកដាល់ដ៏ខ្លាំង និងក៏មិនធ្លាប់មានប្រវត្តិចាញ់ម្តងណាឡើយ។ Floy មានតិចនិកប្រកួតល្អ មានយុទ្ធសាស្រ្តខ្ពស់ក្នុងការយកឈ្នះលើដៃគូសត្រូវ ដែលអាចធ្វើដៃគូប្រកួតដួលចុះចាញ់កណ្តាលទីជាច្រើនមកហើយ"។
សង្វៀន MGM Grand Garden Arena បានត្រៀមរួចរាល់ដើម្បីទទួលស្វាគមន៍កំពូលអ្នកប្រដាល់ Manny Pacquiao និងកីឡាករអាមេរិក Floyd Mayweather សម្រាប់ជំនួបប្រកួតដ៏ធំប្រចាំសតវត្សទី២១ នៅចុងសប្តាហ៍នេះ។ ជំនួបរវាង Floy Mayweather និង Manny Pacquiao បានទទួលការចាប់អារម្មណ៍ពីអ្នកស្នេហាវិស័យប្រដាល់ទូទាំងពិភពលោក ដែលនឹងតាមដានព្រឹត្តិការប្រកួតប្រដាល់ដ៏អស្ចារ្យនេះ។
លោកគង់ ផារិទ្ធបានបន្តថា លោកនឹងតាមដានព្រឹត្តិការណ៍ប្រកួតនេះ និងក៏ជូនពរឲ្យកំពូលអ្នកប្រដាល់អាស៊ី Pacquiao អាចបង្កើតលទ្ធផលដ៏ភ្ញាក់ផ្អើលតាមរយៈការផ្តួលកំពូលអ្នកប្រដាល់អាមេរិក ដើម្បីបង្កើតប្រវត្តិសាស្រ្តបរាជ័យជាលើកដំបូងដល់កីឡាកររូបនេះ។
ប្រិយមិត្តយក Floy ឬ Pacquiao សម្រាប់ជំនួបប្រកួតនៅចុងសប្តាហ៍នេះ?
អត្ថបទ៖ ប៊ុណ្ណារ៉ា
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
