ក្រុម​ហ៊ុន Samsung នឹង​បង្ហាញ​ទូរសព្ទ​ Galaxy S6/S6 Edge Iron Man លំនាំ​រឿង Avengers: Age of Ultron ​ ក្រោម​កិច្ច​សហការ​ជាមួយ​ក្រុមហ៊ុន Marvel ។

Galaxy S6/S6 Edge ​ដែល​កើត​ឡើង​ពី​កិច្ចសហការ​រវាង​ក្រុមហ៊ុន​ទាំង​ពីរ ​​ត្រូវ​បាន​​រចនា​ដោយ​ឆ្លុះ​បញ្ចាំង​ពី​តួអង្គ Iron Man ក្នុង​រឿង Avengers: Age of Ultron ដែល​ទើប​តែ​បញ្ចាំង​ថ្មី​ៗ​​។ Smartphone ទាំង​ពីរ​មាន​ពីរ​ពណ៌​គឺ​​ ពណ៌​មាស និង​ពណ៌​ក្រហម ព្រម​ទាំង​​មាន​រូបភាព Wallpaper និង Ringtones របស់ Marvel ទៀត​ផង។ ​ ​ចំពោះ​​ផលិត​ផល​របស់ Samsung ដែល​ឃើញ​​នៅ​ក្នុង​ភាពយន្ត Avengers: Age of Ultron មាន​ដូចជា Tablet កុំព្យូទ័រ និង Galaxy S6 Edge ហើយ​ការ​សហការ​គ្នា​បង្កើត Galaxy S6/S6 Edge Iron Man នេះ​ Samsung ជឿ​ថា​នឹង​ទទួល​ការ​ចាប់​អារម្មណ៍​ជា​ខ្លាំង​ពី​សំណាក់​អ្នក​និយម​រឿង Avengers។

តាម​ការ​បញ្ជាក់​របស់ Samsung ទូរសព្ទ Galaxy S6/S6 Edge Iron Man អាច​នឹង​ត្រូវ​ដាក់​​បង្ហាញ​នៅ​ចុង​ខែ​ឧសភា ​ឬ​ដើម​ខែ​មិថុនា​ខាង​មុខ​នេះ។ ​

​របាយ​ការណ៍​កន្លង​មក​​ឃើញ​ថា ​បន្ទាប់​ពី Galaxy S6/S6 Edge ដាក់​លក់​លើ​ទីផ្សារ​ភ្លាម​ បាន​ទទួល​ការ​ចាប់​អារម្មណ៍​គួរ​សម ដោយ​សារ​ការ​រចនា​រូបរាង​ថ្មី​រួម​នឹង​ Software មាន​គុណភាព​ខ្ពស់​សម្រាប់​តម្រូវ​ចិត្ត​អ្នក​ប្រើប្រាស់៕

អាន៖ GALAXY S6 Edge បន្ថែម​ការ​ផលិត​ ក្រែង​លោ​ផ្គត់ផ្គង់​មិន​ទាន់​ទីផ្សារ

អាន៖ Galaxy S6/S6 Edge ហាក់​មាន​សន្ទុះ​ខ្លាំង Samsung បង្កើន​ការ​ផលិត​ភ្លាម​

ប្រែ​សម្រួល៖ ប៉ែត ផាន់និត

ប្រភព៖ koreatimes