តារាម៉ូដែលខ្មែរ អ៊េន ណា ចេញទៅដណ្ដើមពាននៅកូរ៉េទៀតហើយ

2015-05-26 17:15:41
ចំនួនមតិ 0 | ចំនួនចែករំលែក 0

ចន្លោះមិនឃើញ

ចាប់ពីថ្ងៃ ២៣ រហូតដល់ថ្ងៃ ៣០ ឧសភា នេះ កញ្ញា អ៊េន ណា នឹងត្រូវប្រកួតក្នុងកម្មវិធី luxury brand award 2015 នាទីក្រុង សេអ៊ូលប្រទេសកូរ៉េខាងត្បូង ហើយនាង គឺជា ម៉ូដែល តំណាងប្រទេសកម្ពុជា។ លោក ម៉ែន និមលរតន៍ ប្រធានក្រុមបង្ហាញម៉ូដ Sun Super Models Cambodia ប្រាប់ Sabay មុននេះបន្តិច។

ការប្រកួតលើកនេះមាន ១៥ ប្រទេស ហើយបេក្ខនារីមាន ១៧ នាក់ បេក្ខជន ១១ នាក់ ចូលរួម ហើយ អ៊េន ណា គឺជា បេក្ខនារីម្នាក់គត់ ដែលតំណាងឲ្យប្រទេសកម្ពុជាទៅប្រកួត។ តាមការពិតគេឲ្យបេក្ខភាពចូលរួមប្រកួតនឹងទាំងពីរភេទ តែពេលប្រថុចពេក ហើយ Visa ខាងប្រុសក៏ធ្វើមិនទាន់ ចឹងហើយអាចបញ្ជូនបានតែបេក្ខនារីទៅតែម្នាក់ឯង។ និមលរតន៍ បានបញ្ជាក់ថា បេក្ខភាពរូបនេះធ្លាប់ចេញទៅប្រកួតបីលើក ហើយលក្ខខណ្ឌការប្រកួតនៅកូរ៉េនេះ គឺ មានវិញ្ញាសាស្លៀកឈុតសំលៀកបំពាក់ប្រពៃណី ស្លៀកឈុតប៊ីគីនី ការថតរូប និង ឈុតរាត្រីសមោសរ ដែលមានរយៈពេល ៧ ថ្ងៃ។

មេ Sun Super Models បានប្រាប់ពីមូលហេតុ ដែលធ្វើឲ្យកញ្ញាអាចចេញទៅបាន "ព្រោះអ្នករៀបចំកម្មវិធីបានសម្ភាសន៍គាត់ជាភាសាអង់គ្លេស ហើយមើលដំណើរតាមរយៈ Skye និង ហេតុផលសំខាន់មួយទៀតមកពីកញ្ញា មានកម្ពស់ត្រូវស្តង់ដារ ១,៦៩ ម៉ែត្រ ធ្លាប់បានចេញទៅប្រកួតកម្មវិធីប្រកួតបែបនេះច្រើនប្រទេស ជាពិសេសគឺមានសម្បុរជាខ្មែរ”។

ប្រវត្តិចេញទៅប្រកួតនៅលើឆាតអន្តរជាតិ

-ឆ្នាំ ២០១៣ ទៅប្រកួតកម្មវិធី Miss Tourism Queen International 2013 នៅចិន ដោយបានប្រកួតឈ្នះ ជយលាភីលេខ១ Miss Tourism Queen Cambodia 2013 ទើបបានចេញទៅ។ -ឆ្នាំ ២០១៣ ទៅប្រកួតកម្មវិធី Miss Southeast Asia នៅបាងកក ប្រទេសថៃ បានជាប់ត្រឹម៦នាក់ចុងក្រោយ។ -ឆ្នាំ ២០១៣ Miss Tourism International នៅប្រទេសម៉ាឡេស៊ី។

លោក ម៉ែន និមលរតន៍រ ប្រធានក្រុមបង្ហាញម៉ូដ Sun Super Models Cambodia បាននាំសម្ដីប្ដេជ្ញាចិត្តរបស់ អ៊េន ណា ថា នឹងព្យាយាមឲ្យអស់ពីសមត្ថភាពដើម្បីឲ្យអន្តរជាតិបានស្គាល់កម្ពុជាថា ជាប្រទេសដែលមានធនធានមនុស្សមិនចាញ់បរទេសឡើយ៕

អត្ថបទ៖ទ្រី រ៉ាវី