ថ្ងៃនេះជើងខ្លាំងយើងញញើតគូប្រកួតរៀងៗខ្លួន មិនហ៊ានសង្ឃឹមខ្ពស់ឡើយ

2014-10-12 16:01:08
ចំនួនមតិ 0 | ចំនួនចែករំលែក 0

ចន្លោះមិនឃើញ

ទោះបីជាបានបំបាក់ជើងខ្លាំងជាបន្តបន្ទាប់តាំងពីវគ្គជម្រុះរហូតមកដល់វគ្គ ៨ ក្រុមចុងក្រោយ ប៉ុន្តែកំពូលអ្នកប្រយុទ្ធទាំងនោះនៅតែមិនហ៊ានសង្ឃឹមខ្ពស់ក្នុងការបំបាក់ដៃគូប្រកួតបន្តទៀតនៅថ្ងៃនេះឡើយ។ តើមានមូលហេតុអ្វីខ្លះបានជាពួកគេមិនហ៊ានសង្ឃឹមខ្ពស់ដូច្នេះ?

RoSabyTSD ប្រធានក្រុម StanDard បានបង្ហើបប្រាប់ Sabay បន្ទាប់ពីបានយកឈ្នះលើក្រុម PC_DontThink ក្នុងលទ្ធផល ៥ ទល់នឹង ១ ថា "ពិតជារំភើបមែនទែនជាមួយនឹងលទ្ធផលដ៏មិនគួរឲ្យជឿនេះ ព្រោះពួកខ្ញុំសុទ្ធតែជាចំណូលថ្មីសម្រាប់ការប្រកួតធំបែបនេះ ហើយមិនធ្លាប់បានរំពឹងថាឆ្លងផុតវគ្គនេះឡើយ"។

ក្រុម StanDard

សមាជិក Clan The_Soldier រូបនេះបានបន្តទៀតថា "ហើយសម្រាប់ការប្រកួតនាពេលបន្តិចទៀតនេះ ពួកខ្ញុំមិនមានសង្ឃឹមខ្ពស់ទេបង គឺមានត្រឹមតែ ២០ ភាគរយតែប៉ុណ្ណោះ។ ប៉ុន្តែ សង្ឃឹមគ្រាន់តែជាសង្ឃឹម អ្វីដែលខ្ញុំត្រូវធ្វើគឺពួកខ្ញុំនឹងប្រឹងឲ្យអស់ពីសមត្ថភាពជាងម្សិលមិញទៅទៀត"។

ចំណែក ជើងខ្លាំង ហ៊ឹម ញាន ប្រធានក្រុម DontThink វិញ បានបញ្ជាក់ជាមួយ Sabay ផងដែរថា "បើនិយាយពីសង្ឃឹមវិញគឺពិបាកនិយាយណាស់បង ព្រោះលទ្ធផលមិនមែនស្ថិតនៅលើសង្ឃឹមផង លទ្ធផលគឺអាស្រ័យទៅលើថ្វីដៃប្រយុទ្ធ ក៏ដូចជាការសហការគ្នាពេលប្រកួតហ្នឹង។ បើពេលប្រកួតយើងធ្វើបានល្អ យើងឈ្នះហើយ តែបើមិនមានការសហការល្អនៅក្នុងក្រុមបរាជ័យនឹងធ្លាក់មកលើយើងហើយ"។

ក្រុម DonTThink

ងាកមកមើល YaNo ប្រធានក្រុម DengSrabHai ដែលមានបទពិសោធន៍ជាមួយសេវាកម្សាន្ត AK Online យ៉ាងជោកជាំនោះ បានប្រាប់ Sabay ទាំងទឹកមុខញញឹមថា "សម្រាប់បន្តិចនេះគឺធម្មតាទេបង។ ពួកគេសុទ្ធតែមានសមត្ថភាពខ្លាំងដូចគ្នា ព្រោះបើពួកគេអន់ក៏ពួកគេមិនបានឡើងមកដល់វគ្គនេះទេ តែទោះជាយ៉ាងណាក្រុមខ្ញុំម្នាក់សង្ឃឹមថា DengSrabHai នឹងឈ្នះហើយឈានចូលវគ្គផ្ដាច់ព្រ័ត្រម្នាក់ ២០ ភាគរយ។"

ក្រុម DengSrabHai

ដាក់ខ្លួនរៀងៗខ្លួនចឹង តើក្រុមណានឹងឈ្នះទៅ? រង់ចាំទាំងអស់គ្នា Sabay នឹងផ្ដល់លទ្ធផលក្ដៅៗជូនដល់ប្រិយមិត្ត៕

ព្រឹត្តិការណ៍ CCC 2014 នាំមកជូនដោយ Sabay និងក្រុមហ៊ុនទូរសព្ទចល័ត Smart។ Super 40 គឺជា Promotion ពិសេសថ្មី ដែលផ្ដល់រហូតដល់ទៅចំនួន ៤០នាទីដោយឥតគិតថ្លៃសម្រាប់ការទាក់ទងក្នុងប្រព័ន្ធជារៀងរាល់ថ្ងៃ ជាមួយនឹងស៊ីមកាតថ្មី ឬចុច *202# សម្រាប់អតិថិជនចាស់៕