មិនគួរឲ្យជឿ! មកដល់វគ្គពាក់កណ្ដាល StanDard អាចឈ្នះ ៥ ទល់ ០ ទៀត

2014-10-12 17:17:55
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្ទើរតែមិនគួរឲ្យជឿសម្រាប់លទ្ធផលរវាងក្រុម StanDard និងក្រុម KnowLedge Person នៅវគ្គពាក់កណ្ដាលផ្ដាច់ព្រ័ត្រក្នុងព្រឹត្តិការណ៍ប្រកួត CCC កំពង់សោម ២០១៤ អម្បាញ់មិញនេះ ដោយក្រុម StanDard បានបំបាក់ក្រុម KnowLedge Person ក្នុងលទ្ធផល ៥ ទល់ ០ ដែលលទ្ធផល ៥ ទល់នឹង ០ នៅវគ្គពាក់កណ្ដាលផ្ដាច់ព្រ័ត្រនេះ គឺមានតែ YouWIllKnow និង NeverCare ប៉ុណ្ណោះធ្លាប់ធ្វើបានក្នុងព្រឹត្តិការណ៍ CCC 2013។

ជាមួយនឹងលទ្ធផលនេះ RoSabyTSD ប្រធានក្រុម StanDard បាននិយាយប្រាប់ Sabay ទាំងបិទមាត់មិនជិតថា "អស្ចារ្យមែនទែនបងសម្រាប់ប្រកួតអម្បាញ់មិញនេះ! ឆ្លងកាត់ការប្រកួតម្សិលមិញរួច មកដល់ថ្ងៃនេះហាក់ដូចលែងមានអារម្មណ៍ភ័យពេលឡើងឆាក ធ្វើឲ្យពួកខ្ញុំប្រមូលអារម្មណ៍ផ្ដោតលើការប្រយុទ្ធបានយ៉ាងរលូន"។

"អ្វីដែលជាចំណុចពិសេសសម្រាប់លទ្ធផលអម្បាញ់មិញនេះគឺ សមាជិកក្រុមរបស់ខ្ញុំទាំងមូលបានសហការគ្នាយ៉ាងល្អ ជាពិសេសគឺការគប់គ្រាប់បែកតែម្ដង។ ដោយធ្លាប់ស្គាល់ពីទីតាំងពួនរបស់ក្រុម KnowLedge Person ដូច្នេះពួកយើងតែងតែមានប្រៀប ដោយបានណាត់គ្នាគប់គ្រាប់បែកធ្វើឲ្យសមាជិកក្រុម KnowLedge Person បាត់បង់មុន ១ ឬ ២ នាក់ស្ទើរតែជារៀងរាល់ប្រកួត"។

និយាយចឹង! ប្រិយមិត្តគិតថា StanDard អាចនឹងក្លាយជាក្រុម YouWillKnow ឬ NeverCare ទី ២ ទេ បើសមត្ថភាពប្រយុទ្ធខ្លាំងចឹង?

អត្ថបទ៖ ភីឆាយ