CCC កំពង់សោមឈានមកដល់វគ្គផ្ដាច់ព្រ័ត្រហើយ

2014-10-12 20:55:58
ចំនួនមតិ 0 | ចំនួនចែករំលែក 0

ចន្លោះមិនឃើញ

ទើបតែចាប់ផ្ដើមប្រកួតជម្រុះប៉ុន្មានថ្ងៃមុនសោះ ល្ងាចនេះព្រឹត្តិការណ៍ប្រកួត CCC កំពង់សោម ២០១៤ បានឈានមកដល់វគ្គផ្ដាច់ព្រ័ត្របាត់ ដោយជើងខ្លាំងក្រុម StanDard នឹងត្រូវប្រកួតគ្នាជាមួយក្រុម DengSrabHai ដើម្បីដណ្ដើមតំណែងប្រាក់រង្វាន់ពាន់ដុល្លារ និងតំណែងជើងឯកសេវាកម្សាន្ត AK Online ប្រចាំខេត្តព្រះសីហនុ ខណៈក្រុម Team Nhom នឹងត្រូវប៉ះជាមួយក្រុម NoFuTure476 សម្រាប់តំណែងជើងឯកសេវាកម្សាន្ត Age Of Naga ដំបូងគេបំផុត។

ព្រឹត្តិការណ៍ប្រកួតរវាងក្រុមទាំង ៤ នេះនឹងចាប់ផ្ដើមនាពេលបន្តិចទៀត ដោយចាប់ផ្ដើមពីការប្រកួតសេវាកម្សាន្ត Age Of Naga មុន។

ក្រៅពីព្រឹត្តិការណ៍ប្រកួតដ៏រន្ធត់នេះ ព្រឹត្តិការណ៍ប្រកួត CCC កំពង់សោមនឹងធ្វើការចាប់ឆ្នោតផ្សងសំណាងដែលមានរង្វាន់ធំជា Laptop ម៉ាក HP មួយគ្រឿង ជូនទស្សនិកជនដែលបានចូលរួមក្នុងព្រឹត្តិការណ៍នេះផ្ទាល់ ហើយបានផ្ញើសារពាក្យ CCC2014 ទៅកាន់លេខ ៧២២២ ផងដែរ។

ដើម្បីញ៉ាំងបរិយាកាសឲ្យកាន់តែមានភាពសប្បាយរីករាយជាងនេះ លោក Jimmy Kiss តារាចម្រៀងកិត្តិយសប្រចាំកម្មវិធីប្រលងចម្រៀង Hear My Song ជំនាន់ទី ២ នឹងបង្ហាញវត្តមាននៅលើឆាកប្រកួត CCC កំពង់សោមនេះផងដែរ ដើម្បីបង្ហើបសំនៀងច្រៀងបទ "Baby I'm Sorry" និងបទ "បើសិនគ្មានអូន" ដែលសុទ្ធតែជាបទល្បីៗ និងពេញនិយមក្នុងបេះដូងយុវវ័យ មកបំពេអារម្មណ៍ទស្សនិកជនទាំងអស់។

កុំភ្លេចណា៎! ជួបគ្នានៅសណ្ឋាគារឯករាជ្យបន្តិចទៀតនេះ!

អត្ថបទ៖ ភីឆាយ