២ បទរបស់លោក Jimmy Kiss ផ្អើលពេញសាលប្រកួត CCC កំពង់សោម

2014-10-12 23:36:09
ចំនួនមតិ 0 | ចំនួនចែករំលែក 0

ចន្លោះមិនឃើញ

២ បទរបស់លោក Jimmy Kiss ក្នុងព្រឹត្តិការណ៍ប្រកួតស្វែងរកជើងខ្លាំងសេវាកម្សាន្តAK Online និង Age Of Naga ក្នុងខេត្តព្រះសីហនុប្រចាំឆ្នាំ ២០១៤ គឺបទ "Baby I'm Sorry" និងបទ "បើសិនគ្មានអូន" ដែលសុទ្ធតែជាបទនិពន្ធថ្មីរបស់លោកផ្ទាល់ ទទួលបានការគាំទ្រយ៉ាងខ្លាំងពីសំណាក់មិត្តៗយុវវ័យនៅខេត្តព្រះសីហនុអម្បាញ់មិញនេះ។

ប្អូនប្រុស សុខហេង ដែលបានមកចូលរួមក្នុងព្រឹត្តិការណ៍នេះរយៈពេល ២ ថ្ងៃជាប់គ្នាបាននិយាយប្រាប់ Sabay ថា "បង Jimmy ពិតជាមានសមត្ថភាពមិនធម្មតាមែន ហើយខ្ញុំពេញចិត្ត និងគាំទ្រនូវសមត្ថភាពច្រៀង និងនិពន្ធបទចម្រៀងរបស់គាត់ណាស់។ ភ្លេងក៏ពីរោះ ពាក្យពេចន៍ក្នុងបទចម្រៀងក៏មានន័យ សំឡេងក៏ស្រែកច្រៀងបានឡូយ ពិតជាធ្វើឲ្យខ្ញុំមានអារម្មណ៍សប្បាយ ហើយរំភើប និងមានមោទនភាពណាស់ដែលមានឱកាសស្ដាប់គាត់ច្រៀងដោយផ្ទាល់"។

ចំណែក កញ្ញា ស្រីពេជ្រ អ្នកគាំទ្រជើងខ្លាំងក្រុម DengSrabHai ដែលមិនធ្លាប់បានស្គាល់លោក Jimmy Kiss សោះក៏បានបង្ហាញអារម្មណ៍រំភើបប្រាប់ Sabay នៅពេលដែលបានលឺសំឡេងច្រៀងដ៏ពីរោះរបស់លោក Jimmy Kiss ផងដែរថា "ពិតជាអស្ចារ្យមែនទែនបង! ធ្លាប់តែលឺគេល្បីតៗគ្នា អត់ដែលបានស្ដាប់សូម្បីតែតាមវីដេអូក្នុង Youtube ឬ Facebook ដល់ពេលបានមកស្ដាប់ផ្ទាល់ចឹង រំភើបនឹងសមត្ថភាពស្រែកបទ Baby I'm Sorry របស់គាត់មែនទែន"។

ងាកមកមើល លោក Jimmy Kiss ផ្ទាល់វិញ ក៏បានបង្ហាញអារម្មណ៍ប្រាប់ទស្សនិកជនផងដែរ "ពិតជាមានកិត្តិយស ហើយមានអារម្មណ៍រំភើបមែនសម្រាប់ស្នូរទះដៃ និងសំឡេងហ៊ោគាំទ្ររបស់បងប្អូនសម្រាប់បទនិពន្ធថ្មីទាំង ២ នេះ"។

ម្ចាស់បទ Baby I'm Sorry រូបនេះបានបន្តទៀតថា "ការគាំទ្ររបស់បងប្អូនគឺកម្លាំងចិត្តមួយដ៏ធំសម្រាប់រូបខ្ញុំផ្ទាល់ ក៏ដូចជាតារាចម្រៀងដទៃទៀតដែលនិពន្ធបទចម្រៀងដោយខ្លួនឯងមិនចម្លងពីបរទេស ក្នុងការបន្តនិពន្ធនិងចេញបទចម្រៀងថ្មីៗជាបន្តទៀត"។

ព្រឹត្តិការណ៍ CCC 2014 នាំមកជូនដោយ Sabay និង Smart ហើយចូលរួមដោយ Skullcandy។ Skullcandy ជា Brand កាសឈានមុខគេ ដែលឆ្លុះបញ្ចាំងពីជីវិតរស់នៅបែបតន្រ្តី Fashion និងកីឡា។ Skullcandy បង្កើតឡើងដោយភាពច្នៃប្រឌិត សង្កត់ធ្ងន់ទៅលើសំឡេងច្បាស់ល្អ សម្ភារៈដែលមានតែមួយនិងការវេចខ្ចប់ប្រកបដោយភាពច្នៃប្រឌិត ជាមួយបច្ចេកវិទ្យាសំឡេងចុងក្រោយបង្អស់ ដើម្បីបង្កើតផលិតផលឲ្យលេចធ្លោខុសពីគេ។

អត្ថបទ៖ ភីឆាយ