ស៊ឹម សុភ័ណ្ឌ ក្រោយស្ងាត់មកពីបារាំងវិញ ឥឡូវបានតំណែងជាប៉ូលិស

2015-07-02 22:15:28
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងសម្បុរស្រអែមស្រស់បែបខ្មែរអង្គរ លោក ស៊ឹម សុភ័ណ្ឌ ក្រោយពីបាត់មុខតាមកញ្ចក់ទូរទស្សន៍ និង គ្រប់ឆាកតន្ត្រី កន្លះឆ្នាំមកនេះ ឥឡូវបានវិលមកវិញ ដោយបានតំណែងជាតួប៉ូលិសថែមទៀតផង។

“ខ្ញុំបាត់មុខមួយរយៈធំមុន ព្រោះត្រូវទៅសម្ដែងនៅបារាំងបីខែ ហើយក្រោយវិលវិញក៏មិនបានបង្ហាញមុខតាមកញ្ចក់ទូរទស្សន៍ដែរ ទើបតែថ្មីៗនេះខ្ញុំចាប់ផ្ដើមបានថតរឿងថ្មីគឺ "ម៉ែដោះក្រមុំ” ដែលជាវណ្ណកម្មរបស់ LD និង ត្រៀមបញ្ចាំងនៅស្ថានីយទូរទស្សន៍ ETV។ ក្នុងរឿងនោះខ្ញុំបាទ គឺជាតួរង និង មានតួនាទីជាប៉ូលិសតាមស៊ើបអង្កេតករណីឃាតកម្មលើគ្រួសារតួឯក ដែលសម្ដែងដោយលោកលឹម ជាឡាយ ហើយតួឯកស្រីគឺ កញ្ញា គៀត សុវណ្ណាឡាងដែលបន្លំខ្លួនជាម៉ែដោះចាស់ម្នាក់។”

សុភ័ណ្ឌ បង្ហើបផងដែរថា មួយរយៈចុងក្រោយនេះមានផលិតកម្មច្រើនគួរសមដែរទាក់ទងមក តែមិនទាន់សម្រេចចិត្តទទួលនៅឡើយ ព្រោះត្រូវមើលសិនថា ជារឿងប្រភេទអី។ កំលោះសង្ហាបែបខ្មែរអង្គររូបនេះបានបង្ហាញខ្លួនចុងក្រោយគឺរឿង "ឋានសួគ៌ស្នេហ៍" ៕