ប្រពន្ធរបស់តួប្រុស X-Men មិនហ៊ានឲ្យប្ដីថតជាមួយ Angelina Jolie ព្រោះ...

2015-07-07 18:41:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ចំណងស្នេហ៍រវាងតារាស្រី Deborra-Lee Furness និងតួប្រុសរឿង X-Men លោក Hugh Jackman ត្រូវបានគេចាត់ទុកថា ជាគូស្នេហ៍ដែលមានសម្ពន្ធភាពរឹងមាំជាងគេក្នុងហូលីវូដដោយបានរៀបការជិត ២០ ឆ្នាំហើយនៅស្រឡាញ់គ្នាស្អិតល្មួតដដែល។

Deb មានបម្រាមមួយសម្រាប់ស្វាមីពេលនិយាយពីឈុតឆាកស្នេហាក្នុងភាពយន្តគឺ មិនឲ្យសម្ដែងជាមួយតារាស្រីជើងចាស់ Angelina Jolie។ ពិតណាស់ មានតួស្រីស្អាតៗដូចជា Scarlett Johansson និង Ashley Judd ជាដើមដែលធ្លាប់សម្ដែងឈុតស្នេហាជាមួយ Hugh Jackson តែម៉េចក៏ភរិយារបស់គាត់ហាមឃាត់តែ Jolie ម្នាក់?

អ្នកស្រី Deborra-Lee Furness និងស្វាមី Hugh Jackman ពេលផ្តល់សម្ភាសក្នុងកម្មវិធី Today Show

ក្នុងកម្មវិធី Today Show នៅអូស្ត្រាលីថ្មីៗនេះ Furness បញ្ជាក់ថា "ខ្ញុំធ្លាប់ប្រាប់ភ្នាក់ងាររបស់គាត់មិនឲ្យថតជាមួយ Angelina ទេ។ ខ្ញុំដឹងច្បាស់ថា នាងជានារីដ៏ល្អម្នាក់ ហើយខ្ញុំស្រឡាញ់អ្វីដែលនាងធ្វើគឺ លើកកម្ពស់ការយល់ដឹងលើការសុំកូនមកចិញ្ចឹម"។

តារាស្រីវ័យ ៥៩ ឆ្នាំ និយាយដូចមែនទែន តែ ចុងក្រោយគាត់បញ្ជាក់ថា គ្រាន់ជាការលេងសើចប៉ុណ្ណោះ។ បើទោះជា មានការបញ្ជាក់បែបនេះក្ដី គ្មានតារាស្រីណាមានអារម្មណ៍ស្រួលទេ ពេលស្វាមីត្រូវសម្ដែងជាមួយ Angelina Jolie ព្រោះនាងជានារីដ៏ទាក់ទាញទាំងទេពកោសល្យសម្ដែង និងការងារមនុស្សធម៌ ដូច្នេះការនិយាយរបស់ Furness បើទោះជាមែនក៏គ្មានអីទាស់ខុសដែរ ព្រោះជាការបង្ការដ៏ល្អមួយ។

គូស្នេហ៍ខាងលើក៏បានបង្ហើបពីអាថ៌កំបាំងដែលនាំឲ្យចំណងស្នេហ៍ពួកគេរឹងមាំថា ពួកគេមានវិន័យមួយគឺពួកគេមិនឲ្យនៅឆ្ងាយគ្នាលើសពីពីរសប្ដាហ៍ឡើយ មិនថា រវល់ថតយ៉ាងណាឡើយ៕