នេត សុចរិយា ធ្វើខួបលើកដំបូង និងជាលើកចុងក្រោយ
- 2015-07-14 16:19:46
- ចំនួនមតិ 0 | ចំនួនចែករំលែក 0
នេត សុចរិយា ធ្វើខួបលើកដំបូង និងជាលើកចុងក្រោយ
ចន្លោះមិនឃើញ
ពិធីការិនី នេត សុចរិយា បានប្រារព្ធធ្វើខួបកំណើតលើកដំបូងគម្រប់អាយុ២៥ឆ្នាំយប់មិញនៅភោជនីយដ្ឋានវីហ្រ្វេន ហើយនាងនិយាយថាការធ្វើខួបលើកនេះជាលើកដំបូង តែក៏ជាលើកចុងក្រោយដែរ ព្រោះនាងមិនមានគម្រោងធ្វើទៀតទេ។
" ចំពោះខ្ញុំការធ្វើខួបកំណើតបែបហ្នឹងគឺជាលើកដំបូងរបស់ខ្ញុំហើយក៏ឈប់ធ្វើទៀតដែរ កន្លងមកខ្ញុំមិនដែលធ្វើកម្មវិធីអីទេទើបតែលើកនេះមានការជំរុញពីសង្សារ និងមិត្តភក្តិថាឲ្យធ្វើនឹងគេម្តងទៅ កុំនៅដាច់តែឯងពេក ក៏សម្រេចថាធ្វើតែម្តងទៅណាមួយដើម្បីបានជួបជុំមិត្តភក្តិផង"។
នេត សុចរិយា និងអ្នកមានគុណទាំងពីរ
ក្នុងនោះ ពិធីការនី សុចរិយា ប្រាប់ថារូបនាងមិនបានអញ្ជើញភ្ញៀវច្រើនទេ គឺហៅតែមិត្តភក្តិអ្នកសិល្បៈ និងអ្នករៀនជាមួយគ្នាជិតស្និទ្ធចូលរួមប្រមាណជាង១០០នាក់ប៉ុណ្ណោះ។
ចំពោះខ្ទង់ចំណាយវិញ ចរិយា បានបង្ហើបថាអស់ប្រមាណជា៣ពាន់ជាងហើយពាក់ព័ន្ធនឹងចំណងដៃរូបនាងប្រាប់ថាមិនបានគិតថាការធ្វើខួបនឹងគឺជាការប្រមូលនូវចំណងដៃមកវិញនោះទេ។
"អ្នកមកចូលរួម ខ្ញុំសុំត្រឹមម៉ាសប្បាយ បើសិនជាអាចចូលរួមខួបខ្ញុំដោយមិនបាច់ចងដៃក៏បានដែរសំខាន់ឲ្យតែសប្បាយហើយខ្ញុំមិនបានគិតថាការធ្វើខួបនេះជាការប្រមូលចំណងដៃអីនោះទេ"។ ចរិយា ថ្លែង។
ចរិយា និង ណាថាន់ ជាសង្សារ
នេត សុចរិយា ដែលជាពិធីការនី និងតារាសម្តែង បានផ្អាកពីសិល្បៈមួយរយៈ ព្រោះរវល់នៅមើលថែ និងមានតួនាទីនាំអ្នកម្តាយទៅព្យាបាលជំងឺមហារីកនៅប្រទេសជិតខាង។ឥឡូវនេះរូបនាងបានប្រកាសប្រាប់មិត្តភក្តិថា ត្រលប់ចូលសិល្បៈសាជាថ្មីបន្ទាប់ពី អ្នកម្តាយរបស់នាងមានការធូរស្រាលជាងមុន។