នេត សុចរិយា៖ "រឿងរៀបការខ្ញុំមិនចោល"
- 2015-07-24 17:58:50
- ចំនួនមតិ 0 | ចំនួនចែករំលែក 0
នេត សុចរិយា៖ "រឿងរៀបការខ្ញុំមិនចោល"
ចន្លោះមិនឃើញ
“ស្រី្តខ្មែរទោះយ៉ាងណាក៏ដោយគឺត្រូវតែរៀបការព្យាយាមបំពេញប្រពៃណីខ្មែររបស់យើងហើយខ្ញុំមិនចោលនោះទេរឿងរៀបការទោះជាដៃគូរបស់ខ្ញុំជាជនបរទេសក៏ដោយ"។ នេះជាការលើកឡើងរបស់ ពិធីការិនីតូចច្រលឹង នេត សុចរិយា ថ្លែងកាលពីថ្ងៃខួបកំណើតរបស់នាង កាលពីពេលថ្មីៗនេះ។
ចំពោះការបារម្ភខ្លាចសង្សាររបស់នាងបែកចិត្ត ចរិយាបានប្រាប់ថា រូបនាងមិនមានការភ័យខ្លាចនោះទេព្រោះនាង និង សង្សារមានការយល់ចិត្ត និង មានទំនុកចិត្តគ្នាទៅវិញទៅមក។
ចំពោះសំណួរដែលបានចោទសួរថា តើទំនាក់ទំនងផ្អែមល្អែមមួយនេះ នឹងចូលរោងជ័យនៅពេលណា? ចរិយាបង្ហើបប្រាប់ថា នាង និង ក្រុមគ្រួសារបានគិតគូររួចហើយ គ្រាន់តែមិនទាន់ដល់ពេលតែប៉ុណ្ណោះ។
នេត សុចរិយា និង លោក Nathan Gan មួយរយៈចុងក្រោយនេះ គេសង្កេតឃើញអ្នកទាំងពីរបណ្ដើរគ្នាចូលរួមស្ទើរគ្រប់កម្មវិធីធំៗរបស់អ្នកសិល្បៈ។ ទន្ទឹមនឹងការដឹកដៃគ្នាបង្ហាញមុខចំពោះអ្នកសិល្បៈដូចគ្នា ចិរិយា បានលើកឡើងដែរថា ពួកគេទាំងពីរនាក់ ក៏បានចូលរួមកសាងកុសលផលបុណ្យជាមួយគ្នាដោយការចុះជួយប្រជាជនក្រីក្រដែលខ្វះទឹកស្អាតប្រើប្រាស់នៅខេត្តសៀមរាបផងដែរ៕
អត្ថបទ៖ ថា ម៉ាលីដា