ក្រុមហ៊ុន អេសស៊ីជី ឧបត្ថម្ភបង់អង្គុយដល់វិទ្យាល័យក្នុងរាជធានីភ្នំពេញចំនួន ២០ សាលាសរុប ១០០ បង់
- 2015-09-01 18:19:23
- ចំនួនមតិ 0 | ចំនួនចែករំលែក 0
ក្រុមហ៊ុន អេសស៊ីជី ឧបត្ថម្ភបង់អង្គុយដល់វិទ្យាល័យក្នុងរាជធានីភ្នំពេញចំនួន ២០ សាលាសរុប ១០០ បង់
ចន្លោះមិនឃើញ
កាលពីពេលថ្មីៗកន្លងទៅនេះ ក្រុមហ៊ុន អេសស៊ីជី ខនគ្រីត រូហ្វ (ខេមបូឌា) ខូ អិលធីឌី (SCG Concrete Roof (Cambodia) Co., Ltd) ដែលជាបុត្រសម្ព័ន្ធមួយរបស់ក្រុមហ៊ុន អេសសីជី មកពីប្រទេសថៃ ដែលក្រុមហ៊ុនឈានមុខគេនៅក្នុងតំបន់អាស៊ានក្នុងការផ្គត់ផ្គង់ស៊ីម៉ងត៍និងសម្ភារសំណង់ បានឧបត្ថម្ភបង់អង្គុយចំនួន ១០០ បង់ដល់សាលាចំនួន ២០ វិទ្យាល័យក្នុងរាជធានីភ្នំពេញ។ វិទ្យាល័យទាំងនោះរួមមាន វិទ្យាល័យ ហ៊ុន សែន ភ្នំពេញថ្មី វិទ្យាល័យ ឥន្ទ្រទេវី វិទ្យាល័យ ជា ស៊ីម ឈូក វ៉ា វិទ្យាល័យ ទួលប្រាសាទ សែនសុខ វិទ្យាល័យ ទួលស្វាយព្រៃ វិទ្យាល័យ ជា ស៊ីម សាមគ្គី វិទ្យាល័យ ហ៊ុន សែន ជម្ពូរវ័ន វិទ្យាល័យ បាក់ទូក វិទ្យាល័យ ជា ស៊ីម បឹងកេងកង វិទ្យាល័យ វត្តកោះ វិទ្យាល័យ អនុវត្ត វិទ្យាល័យ ព្រះស៊ីសុវត្ថិ វិទ្យាល័យ បឹងត្របែក វិទ្យាល័យ ទួលទំពូង វិទ្យាល័យ ហ៊ុន សែន ប៊ុនរ៉ានី ផ្សារដើមថ្កូវ វិទ្យាល័យ ច្បារអំពៅ វិទ្យាល័យ ព្រែកលៀប វិទ្យាល័យ ឫស្សីកែវ វិទ្យាល័យ វត្តភ្នំ និងវិទ្យាល័យ ជ្រោយចង្វារ។
តំណាងក្រុមហ៊ុនបានឱ្យដឹងថា ការឧបត្ថម្ភបង់អង្គុយរហូតដល់ទៅ ១០០ បង់នាពេលនេះគឺដើម្បីជួយលើកកម្ពស់សោភ័ណភាព និងបរិស្ថាននៅតាមសាលានីមួយៗ និងដើម្បីបង្កើតភាពងាយស្រួលដល់ប្អូនៗសិស្សានុសិស្សអង្គុយពិភាក្សាគ្នាអំពីកិច្ចការសាលា និងមេរៀនផ្សេងៗ។
ក្រុមហ៊ុន អេសស៊ីជី ខនគ្រីត រូហ្វ (ខេមបូឌា) ខូ អិលធីឌី កំពុងផ្គត់ផ្គង់ផលិតផលក្បឿងស៊ីម៉ងត៍ អេសស៊ីជី គុណភាពខ្ពស់ស្តង់ដារតែមួយក្នុងតំបន់អាស៊ាន និងជាក្រុមហ៊ុនដំបូងគេបង្អស់ដែលឧបត្ថម្ភបង់អង្គុយក្នុងចំនួនដ៏ច្រើនបែបនេះដល់សាលាចំនួន ២០ ក្នុងរាជធានីភ្នំពេញ។ គួររំលឹកផងដែរថាក្នុងកំឡុងពេលពីរឆ្នាំកន្លងមកនេះ អេសស៊ីជី ក៏កំពុងបង្កើតកម្មវិធីអាហារូបករណ៍មួយដែលមានឈ្មោះថា "អេសស៊ីជី ចែករំលែកក្តីសុបិន” ដើម្បីជួយដល់សិស្សានុសិស្សក្នុងតំបន់អាស៊ានដូចជាប្រទេស កម្ពុជា មីយ៉ាន់ម៉ា ឥណ្ឌូនេស៊ី ហ្វីលីពីន ឡាវ វៀតណាម និងថៃ។
កាលពីឆ្នាំ ២០១៤ កម្មវិធីនេះបាននាំយកអាហារូបករណ៍ចំនួន ១០០ កន្លែងរួចមកហើយសម្រាប់សិស្សានុសិស្សក្នុងប្រទេសកម្ពុជាដែលមានអត្តចរិត និងក្រមសីលធម៌ល្អ ហើយអាហារូបករណ៍ចំនួន ១៥០ កន្លែងផ្សេងទៀតក៏ទើបផ្តល់ឱ្យសិស្សានុសិស្សក្នុងរាជធានីភ្នំពេញ និងខេត្តកំពតកាលពីពេលថ្មីៗនេះផងដែរសម្រាប់ឆ្នាំ ២០១៥៕
អត្ថបទ៖ ពាណិជ្ជកម្ម
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
