៣យ៉ាងមើលដឹងថាជាគជ់ពិតប្រាកដ ឬគជ់ក្លែងក្លាយ

2016-02-26 22:14:28
ចំនួនមតិ 0 | ចំនួនចែករំលែក 0

ចន្លោះមិនឃើញ

គជ់ជាគ្រឿងអលង្ការមានតម្លៃមួយប្រភេទ តែបច្ចុប្បន្នគជ់ក្លែងក្លាយ (គជ់ជ័រ) មានច្រើនដាក់លក់តាមបណ្ដាហាងផ្សេងៗ។ គជ់សុទ្ធ ឬគជ់ជ័រអាចងាយធ្វើឲ្យអ្នកមើលច្រឡំបាន ព្រោះវាមានរាងរៅដូចគ្នាទាំងអស់ បើមើលពីខាងក្រៅ។ លោក សុដាង អ្នកលក់គជ់ទឹកសាបហាងគ្រឿងអលង្ការ KMR បានបង្ហាញពីរបៀបពិសោធន៍ឲ្យដឹងពីគជ់ក្លែងក្លាយ និងគជ់សុទ្ធ។

ម្ចាស់ហាងគជ់ខាងលើបង្ហាញឲ្យដឹងថា ការពិសោធន៍គជ់ទឹកសាបមាន៣ប្រភេទ៖

១. ពេលកាន់គជ់ពិតប្រាកដដូចជាមានទម្ងន់ធ្ងន់ និងត្រជាក់ជាងប្រភេទអង្កាំ

២. គជ់ពិតប្រាកដពេលយកទៅត្រដុសគ្នាចេញជាម្សៅតិចៗមកក្រៅ ខុសពីអង្កាំរបកជ័រចេញមកតែម្ដង

៣. គជ់ពិតប្រាកដអាចយកមកដាក់ដុតពីលើភ្លើងប្រហែលជា៦ទៅ៧វិនាទីក៏មិនខូចមិនរបកគ្រាន់តែខ្មៅអាចជូតឡើងវិញស្អាតដូចដើម ខុសគ្នាពីអង្កាំគ្រាន់តែត្រូវភ្លើងបន្តិចគឺឆេះខូចតែម្ដង។