អង្គការផ្កាយសមុទ្រ ប្រាប់មូលហេតុបង្កើតកម្មវិធីប្រកួតបាល់ទាត់សម្រាប់កុមារ

2016-03-07 17:53:09
ចំនួនមតិ 0 | ចំនួនចែករំលែក 0

ចន្លោះមិនឃើញ

កញ្ញា ជួប វិច្ឆិកា ប្រធានអង្គរការផ្កាយសមុទ្រទម្លាយមូលហេតុបង្កើតកម្មវិធីប្រកួតបាល់ទាត់សម្រាប់កុមារក្រីក្រ ដើម្បីឲ្យពួកគេទទួលបានឱកាសបញ្ចេញសមត្ថភាព និងក្នុងគោលបំណងបណ្ដុះបណ្ដាលវិស័យកីឡាបាល់ទាត់ក្នុងប្រទេសកម្ពុជាឲ្យបានកាន់តែខ្លាំងឡើងតាមរយៈកុមារ។

ប្រធានអង្គរការរូបនេះបានឲ្យដឹងថា គោលបំណងរបស់អង្គរការផ្កាយសមុទ្រគឺចង់ឲ្យក្មេងក្រីក្រនៅកម្ពុជា ដែលរស់នៅតាមតំបន់ដាច់ស្រយាលមានឱកាសបញ្ចេញសមត្ថភាពផ្នែកបាល់ទាត់។ ក្មេងដែលចូលរួមលេងក្នុងកម្មវិធីរបស់អង្គរការកន្លងមក សុទ្ធសឹងតែជាកុមារ ដែលគ្មានសមត្ថភាពចូលរួមវិស័យកីឡា។

កញ្ញាបន្តថា ឆ្នាំ២០១៦ នេះសម្រាប់កម្មវិធីប្រកួតបាល់ទាត់កុមារាក្រោមអាយុ ១៤ឆ្នាំ អង្គរការបង្កើតឡើងចំនួន ៩លើក និងកុមារាក្រោមអាយុ ១០ឆ្នាំអង្គរការបង្កើតឡើងចំនួន ៤លើក។ កម្មវិធីទាំងពីរមួយឆ្នាំទើបបង្កើតឡើងម្ដង។

ក្រៅពីកម្មវិធីប្រកួតខាងលើអង្គរការក៏មានរៀបចំកម្មវិធីប្រកួតផ្សេងៗ ទៀតរួមមានកីឡាករ គ ថ្លង់ និងកីឡាករពិការសតិបញ្ញា ពីរលើកក្នុងមួយឆ្នាំផងដែរ៕