ភាពយន្តខ្មែររឿង "តម្លៃស្នេហ៍" ឈ្នះពាន៤ពីហូលីវូដ

2016-04-02 17:09:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ភាពយន្តខ្មែរ "តម្លៃស្នេហ៍" ដែលមិនទាន់បានដាក់បញ្ចាំងផ្លូវការនៅក្នុងស្រុកនៅផងនោះ បានឈ្នះពានរង្វាន់ដល់ទៅ ៤ ពីមហោស្រពភាពយន្តនៅហូលីវូដ ហៅថា Hollywood International Moving Pictures Film Festival (HIMPFF)។ នេះបើតាមលោក ម៉ាធ្យូ រ៉ូប៊ីនសុន ដែលជាអ្នកដឹកនាំសម្ដែង។

អ្នកដឹកនាំដដែល បានឲ្យដឹងទៀតថា ពានរង្វាន់ទាំង៤ ដែលភាពយន្តរបស់លោកទទួលបាននោះ គឺមាន៖ ពានរង្វាន់ "Best Editor" បានទៅលោក តារាសម្ដែង សៅ យឿន "Best Sound Designer" បានលើឈ្មោះ Thavy Khorn។ ពានបន្តទៀតមាន 'Best Cinematographers' ដែលបានលឺឈ្មោះ TaingHourt Ly និង Vanna Meoun ។

ជាមួយសមិទ្ធផលនេះ លោក ម៉ាធ្យូ រ៉ូប៊ីនសុន បានសម្ដែងការសាទរ និងថ្លែងអំណរគុណដល់ក្រុមការងារទាំងអស់ដែលបានរួមគ្នាផ្ដល់ឲ្យផលិតកម្មខ្មែរមេគង្គនូវលទ្ធផលមិនគួរឲ្យជឿ ក្នុងនោះ លោកសូមថ្លែងអំណរគុណលោក ស្ទូអាត ឈីឆាម ដែលជាអ្នកនិពន្ធសាច់រឿងនេះឡើងមក។

លោក រ៉ូប៊ីនសុន លើកឡើងថា លទ្ធផលខាងលើ បានមកក្នុងពេលដែល ការចាក់បញ្ចាំងផ្លូវការនៃរឿង "តម្លៃស្នេហ៍" ជូនប្រិយមិត្តក្នុងស្រុក ពិសេសអ្នកនៅរាជធានីភ្នំពេញបានទស្សនា បានជិតឈានចូលមកដល់ដែរ ក្នុងនោះ លោកបញ្ជាក់ថា បើមិនមានអ្វីផ្លាស់ប្ដូរទេ ទស្សនិកជនកម្ពុជាទាំងអស់នឹងបានទស្សនាភាពយន្តឈ្នះពាន៤មួយនេះ ចាប់ពីថ្ងៃទី ១១ ខែមេសានេះតទៅហើយ។

យូប៊ីន កាត់ថ្លៃ២ពាន់ដុល្លារ តើ សម្បត្តិព្រមឬអត់? មើលឈុតក្រៅឆាករឿង “តម្លៃស្នេហ៍” ទើបដឹងថា ពិបាកទម្រាំផលិតបាន

តោះ...ទស្សនា Trailer ភាពយន្តខ្មែរឈ្នះពានពីហូលីវូដទាំងអស់គ្នា...!