TNT 135 ម៉ូដែលថ្មីមួយទៀតចេញមុខប្រជែង MSX

2016-04-05 16:30:12
ចំនួនមតិ 0 | ចំនួនចែករំលែក 0

ចន្លោះមិនឃើញ

MSX ពីមុនមាន Kawazaki Z125 ឥឡូវម៉ូតូម៉ូដែលថ្មីមួយទៀតដែលនឹងចូលខ្លួនមកប្រកួតប្រជែងម៉ូតូ MSX របស់ Honda។ ម៉ូដែលថ្មីនេះគឺ TNT 135 ជាម៉ូតូរបស់ក្រុមហ៊ុន Benelli Keeway អ៊ីតាលី ដែលនឹងជាគូប្រកួតប្រជែងថ្មីមួយទៀតរបស់ MSX។

TNT 135 មានការចាប់អារម្មណ៍ទៅលើការឌីហ្សាញរូបរាង ដែលមានភាពទាក់ទាញមិនចាញ់ MSX នោះទេ។ វាបានអភិវឌ្ឍទៅលើកម្លាំងម៉ាស៊ីនរហូតដល់ ១៣៥ សេសេធៀប MSX ដែលមានកម្លាំងម៉ាស៊ីនតែ ១២៥ សេសេប៉ុណ្ណោះ។ ម៉ូតូនេះពីមុខទៅក្រោយមានប្រវែងសរុប ១៨៤០ មម និងកម្ពស់ពីដី ១០២៥ មម។

TNT 135 បានរចនាចង្កៀងមុខប្រភេទ LED និងការលេងបំពង់ស៊ីម៉ាំងពីរស្រទាប់ដើម្បីកាត់បន្ថយកម្ដៅ។ ការប្រើប្រាស់ថាមពល ម៉ូតូប្រភេទប្រើអំប្រីយ៉ានេះមួយលីត្រអាចបើកបរបានចម្ងាយផ្លូវ ៤០ ទៅ ៥០ គីឡូម៉ែត្រ។

លោក ផេង ដារ៉ា ប្រធានផ្នែកលក់និងទីផ្សាររបស់ក្រុមហ៊ុន Nengshun & Ranqun Motor បានឲ្យដឹងថា TNT 135 ជាម៉ូតូថ្មីសន្លាងមួយទៀត ដែលក្រុមហ៊ុនបានណែនាំដល់អ្នកប្រើប្រាស់ មុននាំមកលក់ក្នុងពេលឆាប់ៗនេះ។ វាមានការរចនារូបរាងយ៉ាងពិសេស ផ្តោតសំខាន់តម្រូវចំណង់ចំណូលចិត្តរបស់យុវវ័យសម័យថ្មី។

លោកបន្តថា TNT 135 នាំមកដើម្បីប្រកួតប្រជែង MSX ដែលកំពុងពេញនិយមលើទីផ្សារ ។ ទោះបីវាថ្មីមិនសូវមានគេស្គាល់ច្រើន ប៉ុន្តែការផលិតក្រោមស្តង់ដាបច្ចេកវិទ្យារបស់អ៊ីតាលី ដែលផ្តោតលើគុណភាព។

លោកសង្ឃឹមថា អ្នកប្រើប្រាស់ជាយុវវ័យនឹងគាំទ្រម៉ូតូថ្មីនេះ ដោយអាចមកសាកល្បងបើកបរដោយផ្ទាល់ ដើម្បីដឹងពីសមត្ថភាពដែលវាអាចផ្តល់លើសពីអ្វីដែលពួកគេរំពឹងទុក។

TNT 135 ដែលក្រុមហ៊ុនគ្រោងនាំមកលក់ ត្រូវគេដាក់លក់ក្នុងតម្លៃប្រហែល ២ ៣០០ ដុល្លារ ទាបជាងគូប្រកួតប្រជែង MSX ដែលទីផ្សារបច្ចុប្បន្នជាង ២ ៧០០ ដុល្លារ៕