ថាមពលថ្មរបស់ S7 Edge ប្រើរឹតតែយូរ រឹតតែកាន់ថ្ម

2016-04-11 15:50:55
ចំនួនមតិ 0 | ចំនួនចែករំលែក 0

ចន្លោះមិនឃើញ

បើយោងតាមវិបសាយ Sam Mobile បានបញ្ជាក់ឲ្យដឹងថាថាមពលថ្មរបស់ទូរសព្ទ Samsung Galaxy S7 Edge គឺមានសមត្ថភាពអស្ចារ្យដោយសារប្រើប្រាស់កាន់តែយូរ ថ្មរឹតតែកាន់បានយូរជាងមុន។

បន្ទាប់ពីប្រើប្រាស់បានប៉ុន្មានសប្ដាហ៍ Galaxy S7 Edge នឹងចាប់ផ្ដើមសម្របទៅតាមទម្លាប់ប្រើប្រាស់របស់អ្នកប្រើ ហើយវានឹងចាប់ផ្ដើមធ្វើការគ្រប់គ្រងលើកម្មវិធីដំណើរការលើ Background ដែលជាចំណែកមួយធ្វើឲ្យថាមពលថ្មឆាប់អស់។ ចំណុចដ៏ពិសេសមួយនេះក៏ដោយសារតែនៅលើប្រព័ន្ធប្រតិបត្តិការ Android 5.1 ក្រុមហ៊ុន Samsung បានបន្ថែមមុខងារថ្មីជួយឲ្យការប្រើកម្មវិធីមានប្រសិទ្ធភាពបំផុត ដែលគេកំណត់ឈ្មោះថា “optimizes apps"។

មុខងារពិសេសនេះដំណើរការដោយវាតាមដានលើកម្មវិធីទូរសព្ទណាដែលមិនមានការប្រើប្រាស់រយៈពេល៣ថ្ងៃ (ឬ ៥-៧ថ្ងៃអាស្រ័យលើការកំណត់) បន្ទាប់មកចាប់ផ្ដើមដាក់កម្មវិធីនោះទៅជា Sleep ដូចនេះវានឹងមិនដំណើរការលើ Background ដោយខ្លួនឯងនោះទេ៕

ចំពោះអ្នកប្រើប្រាស់ទូរសព្ទ Galaxy S7 Edge មានចាប់អារម្មណ៍ទេថា ថាមពលថ្មប្រើរឹតតែយូរ រឹតតែកាន់ដូចដែលវិបសាយខាងលើបានលើកឡើង?

ចុចអាន៖ ដំណឹងល្អ! Galaxy Note 6 នឹងមានអាវក្រោះការពារជ្រាបទឹកដូច S7/S7 Edge

ប្រែសម្រួល៖ ហៃ សុខហេង ប្រភព៖ SamMobile