BMW X1 ទើបមកដល់ កវីនិពន្ធល្បីឈ្មោះ ពាន់ ភួងបុប្ផា កុម្ម៉ង់ទិញមុនគេ

2016-05-09 17:49:49
ចំនួនមតិ 0 | ចំនួនចែករំលែក 0

ចន្លោះមិនឃើញ

រថយន្តប្រណិតស៊េរីថ្មី BMW X1 ត្រូវបានក្រុមហ៊ុន Premium Auto ដែលជាក្រុមហ៊ុនក្នុងស្រុកនាំចូលរថយន្ត BMW ផ្ដាច់មុខពីប្រទេសអាល្លឺម៉ង់បានបញ្ចេញលក់ជាផ្លូវការកាលពីពេលថ្មីៗ ដោយទទួលបានការចាប់អារម្មណ៍ រហូតកវីនិពន្ធល្បីឈ្មោះ អ្នកស្រី ពាន់ ភួងបុប្ផា បានកុម្ម៉ង់ទិញមុនគេ។

កញ្ញា មឿន សាត ដែលជាទីប្រឹក្សាផ្នែកលក់ប្រចាំនៅ Premium Auto បានប្រាប់ឱ្យដឹងថា អ្នកស្រី ពាន់ ភួងបុប្ផា ដែលជាកវីនិពន្ធនិងជាអ្នកដឹកនាំរឿងដ៏ឆ្នើមប្រចាំប្រទេសកម្ពុជា បានចាប់ចិត្តបញ្ជាទិញរថយន្តប្រណិតស៊េរីថ្មីនេះមួយគ្រឿងពណ៌ខៀវមុនគេ។

កញ្ញាបានបន្តថា រថយន្តដ៏ប្រណិតនេះមានភាពសាមញ្ញ តែស៊ីវិល័យ។ ផ្នែកខាងក្នុងមានបំពាក់បច្ចេកវិទ្យាទំនើបៗ ដូចជាបច្ចេកវិទ្យាកំណត់ដឹងឧបសគ្គនៅខាងមុខរថយន្តជាដើម ឯកៅអីដែលចល័តបាននៅជូរទីពីរ អាចបត់ជាបង្អែកបាន ឬអាចរៀបជាកន្លែងគេងបានយ៉ាងងាយស្រួលទៅតាមតម្រូវការ។

ជាមួយការរចនារូបរាងដ៏លេចធ្លោ រួមទាំងការបំពាក់មកជាមួយបច្ចេកវិទ្យាសន្សំសំចៃសាំងខ្ពស់ ដោយ ១០០ គីឡូម៉ែត្រ ស៊ីសាំងប្រហែល ៦ លីត្រ។

BMX 1 ដាក់លក់ក្នុងតម្លៃប្រហែល ៨៩ ៨០០ ដុល្លារ៕