ដឹងរឿងហេតុស្នាមសាក់លើភ្លៅ នេត សុចរិយា ជួបរឿងយ៉ាងណាទេ?
- 2016-07-04 18:05:21
- ចំនួនមតិ 0 | ចំនួនចែករំលែក 0
ដឹងរឿងហេតុស្នាមសាក់លើភ្លៅ នេត សុចរិយា ជួបរឿងយ៉ាងណាទេ?
ចន្លោះមិនឃើញ
តារាស្រី នេត សុចរិយា បានបង្ហើបមកកាន់ Sabay ពាក់ព័ន្ធនឹងស្នាមសាក់លើភ្លៅខាងឆ្វេងរបស់នាងថា ជាឧបទ្ទវហេតុក្នុងពិធីជប់លៀងមួយ រវាងនាង និងសង្សារ ដោយពេលនោះអ្នករត់តុបានធ្វើឲ្យធ្លាក់កែវបែកលើភ្លៅរបស់នាង។
"ការពិតស្នាមសាក់នេះ កើតចេញឡើងពីរឿងមួយគួរឲ្យចង់សើច រវាងបង និង សង្សារ ប៉ុន្តែពេលនោះ បងនិងគាត់នៅជាមិត្តភក្តិនៅឡើយ មិនទាន់ជាសង្សារទេអូន។ កាលនោះ បងបានទៅចូលរួមក្នុងកម្មវិធីជប់លៀងមួយ ហើយសង្សារបងបាននាំបងទៅនិយាយលេងស្វាគមន៍ជាមួយមិត្តភក្តិគាត់ គាប់ជួនអីអ្នករត់តុ មិនប្រយ័ត្នក៏បានធ្វើឲ្យ កែវស្រាធ្លាក់បែកមកលើជើងបង"។ នេត សុចរិយា ថ្លែង។
ដោយសារមុតជ្រៅ និងមានស្នាមសម្លាក តារាស្រីរាងតូចច្រឡឹងរូបនេះ បានសម្រេចចិត្តជាមួយសង្សារលោក Nathan Gan សាក់ជាភាសាអង់គ្លេសថា "Never Give Up” បានន័យថា "ដាច់ខាតមិនចុះចាញ់" ទោះជាមានរឿងអ្វីកើតឡើងលើរូបអ្នកទាំងពីរក៏ដោយ។ នេះបើតាមការលើកឡើងពី នេត សុចរិយា។
"ស្នាមមុតហ្នឹងជ្រៅដែរ ហើយវាមានសម្លាក មិនដឹងថាធ្វើម៉េចបាត់ស្នាម បងក៏បានសួរយោបល់គាត់(សង្សារ)ខ្លះៗ បន្ទាប់មកពួកបងក៏សម្រេចចិត្តថាសាក់ជាភាសាអង់គ្លេស Never Give Up ហ្មងទៅ"៕
អត្ថបទ៖ ថា ម៉ាលីដា រូបភាព៖ ផ្តល់ដោយ ចរិយា