Schweinsteiger និង Ivanovic រៀបមង្គលការនៅប្រទេសអ៊ីតាលី
- 2016-07-13 16:16:56
- ចំនួនមតិ 0 | ចំនួនចែករំលែក 0
Schweinsteiger និង Ivanovic រៀបមង្គលការនៅប្រទេសអ៊ីតាលី
ចន្លោះមិនឃើញ
Bastian Schweinsteiger និងអតីតកីឡាការិនីវាយកូនបាល់លេខ១ពិភពលោក Ana Ivanovic បានរៀបមង្គលការជាមួយគ្នាកាលពីថ្ងៃម្សិលមិញនៅទីក្រុង Venice ភាគខាងជើងប្រទេសអ៊ីតាលី។
គូស្នេហ៍ជាអ្នកកីឡាទាំងពីរដែលបានចាប់ផ្ដើមស្រលាញ់គ្នាតាំងពីឆ្នាំ២០១៤ ប្រារព្ធពិធីមង្គលការរបស់ពួកគេនៅសាលាក្រុង Venice ឬឈ្មោះម៉្យាងទៀតហៅថា Palazzo Cavalli មុនពេលឡើងជិះ អូប័រដែលចតចាំនៅខាងទន្លេខាងមុខ។
នៅក្នុងពិធីមង្គលការនោះគេឃើញមានវត្តមានកីឡាករល្បីៗមួយចំនួនទាំងខាងបាល់ទាត់ និងវាយកូនបាល់ចូលរួមមានដូចជា Angelique Kerber, Andy Murray និង Thomas Muller ជាដើម។ កូនក្រមុំ Ana Ivanovic ដែលបច្ចុប្បន្នកាន់ចំណាត់ថ្នាក់ ២៥ របស់ពិភពលោក ទើបតែធ្លាក់ចេញពីត្រឹមជុំទី១ ក្នុងការប្រកួតវាយកូនបាល់កម្មវិធី Wimbledon ខណៈកូនកំលោះ Bastian Schweinsteiger ធ្លាក់ចេញពីកម្មវិធី Euro ជាមួយក្រុមជម្រើសជាតិអាល្លឺម៉ង់ត្រឹមវគ្គ ពាក់កណ្ដាលផ្ដាច់ព្រ័ត្រថ្មីៗនេះដូចគ្នា៕
ប្រែសម្រួល៖ វីរ៉ុត ប្រភព៖ ESPN
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
