ម៉ូតូស៊ីម៉ាកអ៊ីតាលី TNT 135 ឈានដល់ដំណាក់កាលតេស្តចុងក្រោយ មុនចេញលក់ជាផ្លូវការ

2016-07-17 19:46:27
ចំនួនមតិ 0 | ចំនួនចែករំលែក 0

ចន្លោះមិនឃើញ

TNT 135 កំពុងស្ថិតនៅក្នុងដំណាក់កាលការធ្វើតេស្តចុងក្រោយ មុនពេលបញ្ចេញលក់លើទីផ្សារពិភពលោក។

លោក ផេង ដារ៉ា អ្នកគ្រប់គ្រងទូទៅរបស់ក្រុមហ៊ុន Nengshun & Ranqun Motor ដែលនាំចូលម៉ូតូ Benelli Keeway របស់អ៊ីតាលីបានឲ្យដឹងថា TNT 135 កំពុងស្ថិតនៅក្នុងខ្សែសង្វាក់ផលិតក្នុងរោងចក្រ និងការធ្វើតេស្តចុងក្រោយ មុនបញ្ចេញលក់លើទីផ្សារនៅពេលខាងមុខ។

ការធ្វើតេស្តិដោយបានធ្វើការបើកបរសាកល្បងលើចម្ងាយផ្លូវ ១០ ០០០ គីឡូម៉ែត្រនៅក្នុងប្រទេសម៉ាឡេស៊ីនិងថៃ ដើម្បីសិក្សាពីបច្ចេកទេសនិងការស្វែងរកចំណុចខ្វះខាតនានា ដើម្បីធានាគុណភាពនិងទំនុកចិត្តសម្រាប់ប្រើប្រាស់ម៉ូតូនេះ។

ការបង្ហាញខ្លួនរបស់ TNT 135 គឺដើម្បីប្រកួតប្រជែង MSX របស់ Honda និង Z125 របស់ Kawasaki ដែលជាស៊េរីម៉ូតូដែលកំពុងពេញនិយមលើទីផ្សារ។ យ៉ាងណាចំណុចខ្លាំងម៉ូតូស៊ីម៉ាករបស់អ៊ីតាលីនេះគឺការអភិវឌ្ឍលើកម្លាំងម៉ាស៊ីន ការឌីហ្សាញរូបរាង ការនាំបច្ចេកវិទ្យាថ្មីៗរួមទាំងតម្លៃដែលទាបជាងគូប្រកួតប្រជែង។

លោក ផេង ដារ៉ា បានបញ្ជាក់ថា TNT 135 បានអភិវឌ្ឍកម្លាំងម៉ាស៊ីនរហូត 135 សេសេ ជាមួយការបំពាក់បច្ចេកវិទ្យា EFI ដែលជួយម៉ាស៊ីនដំណើរស្ងាត់និងមានសន្ទុះខ្លាំង។ ម៉ូតូដែលផលិតផ្តោតលើទីផ្សារយុវវ័យនេះប្រើប្រាស់ប្រអប់លេខ ៥ វគ្គ មានបំពង់ស៊ីមាំងភ្លោះពីរ។ កម្រិតនៃការស៊ីសាំង ១ លីត្រអាចបើកបរបានចម្ងាយផ្លូវប្រហែល ៤០ ទៅ ៥០ គីឡូម៉ែត្រ។

អ្នកគ្រប់គ្រងជាន់ខ្ពស់រូបនេះ ទទួលស្គាល់ភាពយឺតយ៉ាវមួយចំនួនសម្រាប់ការចេញលក់ TNT 135 ដែលដំបូងឡើយគ្រោងចេញលក់លើទីផ្សារនៅចុងខែមិថុនា។ លោកបានលើកហេតុផល ដោយសារក្រុមហ៊ុនត្រូវការសិក្សាបច្ចេកទេសស៊ីជម្រៅ ដើម្បីនាំស្តង់ដារផលិតផលម៉ូតូប្រកបដោយគុណភាពសម្រាប់ការធ្វើដំណើរ។

TNT 135 តាមការបញ្ជាក់ចុងក្រោយពីក្រុមហ៊ុន អាចមកដល់ទីផ្សារកម្ពុជានៅចុងខែកក្កដានេះ និងយូរបំផុតត្រឹមពាក់កណ្ដាលខែសីហា ជាមួយតម្លៃលក់ប្រហែល ២៣០០ ដុល្លារ។ តាមប្រភពក្រុមហ៊ុនបានឲ្យដឹងថា គិតមកទល់ពេលនេះ TNT 135 មានអតិថិជនក្នុងស្រុកបានកុម្ម៉ងមុនជាង ៥០ គ្រឿង ហើយក្រុមហ៊ុនរំពឹងថាអាចលក់បាន ៥០០ ទៅ ៦០០ គ្រឿងក្នុងឆ្នាំ ២០១៦៕

អត្ថបទ៖ ប៊ុណ្ណារ៉ា

ពាក្យទាក់ទង

ព័ត៌មានបច្ចេកវិទ្យាក្នុងស្រុក Nengshun & Ranqun Motor

អត្ថបទពេញនិយម

ក្រវិលកំប៉ុងគ្រុឌមួយ និងលុយ ៥០០រៀល ផ្លាស់ប្តូរជីវិតកសិករកម្សត់ម្នាក់

ទំនប់ដូនទ្រី ដែលប្រើបច្ចេកទេសជីករូងភ្នំមិនធ្លាប់មាននៅកម្ពុជា ពេលសង់រួចនឹងអាចស្រោចស្រពលើផ្ទៃដីកសិកម្មជាង ៣ម៉ឺនហិកតា

ប្រធានក្រុមបាល់ទាត់ CFSS បញ្ជាក់ពីវត្ដមានសម្ដេចតេជោក្នុងព្រឹត្ដិការណ៍បាល់ទាត់មិត្ដភាពសប្បុរសធម៌

ការជួសជុលខឿនព្រះលានជល់ដំរី ឈានដល់ដំណាក់កាលចុងក្រោយហើយ

សម្តេច ហ៊ុន ម៉ាណែត បញ្ជាក់មូលហេតុដែលមិនបង្កើតមូលនិធិសង់ព្រែកជីកហ្វូណនតេជោ

រូបព្រះពុទ្ធបដិមា ជាង១០០បំណែក ប្រទះឃើញនៅប្រាសាទតាព្រហ្ម

អត្ថបទថ្មី

បែកធ្លាយ TECNO POVA 6 Pro 5G ស្មាតហ្វូន លេងហ្គេមល្អបំផុតជាមួយនឹងបន្ទះឈីប 5G និងថាមពលថ្មប្រើប្រាស់បានយូរបំផុត តម្លៃក្រោម $300

សម្ដេចតេជោចូលរួមដឹកនាំផ្ទាល់ការប្រកួតបាល់ទាត់សប្បុរសធម៌

តម្លៃសាំងធម្មតាចុះ៥០៛/លីត្រ ខណៈតម្លៃម៉ាស៊ូតចុះ១០០៛/លីត្រ ទូទាំងប្រទេសកម្ពុជា

អ៊ែរ អេស៊ា ខេមបូឌា បើកការតាំងពិព័រណ៍ទេសចរណ៍លើកដំបូង ផ្តល់ជូននូវជើងហោះហើរជាច្រើនក្នុងតម្លៃដ៏អស្ចារ្យ

តាមដាន និងព្យាបាលភ្នែករបស់អ្នកឲ្យបានទាន់ពេលវេលា ជៀសវាងវិប្បដិសារីទៅថ្ងៃក្រោយ

ស្អាតហើយចិត្តសប្បុរសធម៌ទៀត! រ៉េត សារីតា នឹងទៅលើកទឹកចិត្តក្មេងស្រីក្រីក្រក្នុងកម្មវិធីបាល់ទាត់របស់អង្គការ HFCA នៅសៀមរាប