ឡៅ ចន្រ្ទា ចង់ឃើញប្រដាល់ខ្មែរមានអ្នកឧបត្ថម្ភច្រើនដូចបាល់ទាត់កុំឲ្យកីឡាករដាច់បាយ

2016-08-10 13:00:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ជើងខ្លាំងត្រកូលឡៅគឺឡៅ ចន្រ្ទា មកពីក្លឹបឆ័ត្រយោង៩១១ចង់ឃើញអ្នកគាំទ្រកម្ពុជាចូលរួមគាំទ្រលើកទឹកចិត្ត និងឧបត្ថម្ភដល់កីឡាករប្រដាល់កម្ពុជាឲ្យបានច្រើនកុះករដូចវិស័យកីឡាបាល់ទាត់ដើម្បីកុំឲ្យអ្នកប្រដាល់ដាច់បាយ។

«អាជីពមួយនេះវាពិបាកណាស់បង! តែដើម្បីជីវភាព អញ្ចឹងហើយចង់ឲ្យមានអ្នកគាំទ្រច្រើនហើយជួយឧបត្ថម្ភដល់កីឡាករដើម្បីមានទឹកចិត្តប្រកួតទៀត»។ សំដីរបស់ ឡៅ ចន្ទ្រា និងបន្ថែមថា បច្ចុប្បន្ននេះវិស័យកីឡាប្រដាល់កម្ពុជាមិនសូវទទួលបានការគាំទ្រច្រើនពីអ្នកទស្សនាឡើយ បើទោះជាពុំមានលក់សំបុត្រសម្រាប់ចូលទស្សនាការប្រកួត។

ជាងនេះទៅទៀត កីឡាករប្រដាល់ភាគច្រើនត្រូវបានគេមើលឃើញថា នៅតែមានជីវភាពក្រីក្រ បើទោះជាពួកគាត់មានកេរ្តិ៍ឈ្មោះល្បីល្បាញទូទាំងប្រទេសក៏ដោយ។ កុំឡើយនិយាយដល់ជីវភាពធូរធារសមរម្យ សូម្បីតែរកបាយចំអែតក្រពះក៏មិនចង់គ្រប់ផង។

សូមទស្សនាវីដេអូសម្ភាសន៍

ឡៅ ចន្រ្ទា ជាកីឡាករល្បីខាងក្បាច់គុនបុរាណខ្មែរហើយរាល់ការប្រកួតកម្រនិងចាញ់ណាស់មិនថាប្រកួតជាមួយខ្មែរគ្នាឯងឬបរទេសនោះទេ។ ហើយការប្រកួតចុងក្រោយបានផ្ដួលថៃឲ្យសន្លប់នៅទឹកទី២ កាលពីថ្ងៃអាទិត្យ ទី៧ ខែ សីហា នៅស្ថានីយទូរទស្សន៍ PNN ផងដែរ។

អត្ថបទ៖ នួន ស៊ីណា