អ្នកប្រដាល់ អ៊ុំ ចំរើនជាប់ធ្វើប៉ូលិស លែងប្រឡងបាក់ឌុបជាលើកទី៣

2016-08-12 13:12:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយប្រលងធ្លាក់មធ្យមសិក្សាទុតិយភូមិ២ឆ្នាំជាប់គ្នា អ្នកប្រដាល់ក្រមុំតែងខ្លួន អ៊ុំ ចំរើន មិនបានបន្តប្រឡងទៀតសម្រាប់ឆ្នាំសិក្សា២០១៦នេះដែលកាលបរិច្ឆេទប្រឡងនឹងប្រព្រឹត្តទៅនាថ្ងៃទី២២ ខែសីហា ឆ្នាំ២០១៦ ខាងមុខនេះ។

អ៊ុំ ចំរើនបាននិយាយថា ៖«បាទបង! និយាយទៅខ្ញុំជាប់រវល់រកស៊ីផង ហ្វឹកហាត់ប្រដាល់ផង។ ណាមួយឥឡូវ ខ្ញុំជាប់ចូលធ្វើប៉ូលិសហើយ ដូច្នេះលែងចង់ប្រឡងទៀតហើយ»។ ទោះបីជាយ៉ាងណា អ្នកប្រដាល់រូបនេះមានការសោកស្តាយដែលមិនមានសញ្ញាបត្រមធ្យមសិក្សាទុតិយភូមិ។

កូនសិស្សក្លឹបតាឡីដំរីមានរិទ្ធិ អ៊ុំ ចំរើនបានបរាជ័យក្នុងការប្រឡងយកសញ្ញាបត្រមធ្យមសិក្សាទុតិយភូមិ២ឆ្នាំជាប់គ្នាគឺឆ្នាំ២០១៤ និង២០១៥ ប៉ុន្តែឆ្នាំ២០១៦នេះរូបគេមិនបន្តស្វែងរកសញ្ញាប័ត្រចំណេះដឹងទូទៅកម្រិតបាក់ឌុបឡើយ៕

អត្ថបទ៖ នួន ស៊ីណា