ប្រពន្ធ ឡុង សុវណ្ណឌឿន បង្ហាញក្តីបារម្ភក្នុងនាមជាប្រពន្ធអ្នកប្រដាល់
- 2016-09-22 13:06:06
- ចំនួនមតិ 0 | ចំនួនចែករំលែក 0
ប្រពន្ធ ឡុង សុវណ្ណឌឿន បង្ហាញក្តីបារម្ភក្នុងនាមជាប្រពន្ធអ្នកប្រដាល់
ចន្លោះមិនឃើញ
ប្រពន្ធរបស់កីឡាករ ឡុង សុវណ្ណឌឿន ចង់ឲ្យប្ដីឈប់ពីអាជីប្រដាល់ បន្ទាប់ពីកីឡាកររូបនេះឈ្នះបានខ្សែក្រវាត់គោជល់នៅសង្វៀន PNN កាលពីចុងសប្តាហ៍កន្លងទៅនេះ។
អ្នកស្រី វណ្ណះ ភ័ណនិសា ប្រពន្ធរបស់ជើងខ្លាំង ឡុង សុវណ្ណឌឿន ប្រាប់ឲ្យ Sabay ដឹងថា អ្នកស្រីពិតជាព្រួយបារម្ភខ្លាំងរាល់ពេលដែលប្តីឡើងប្រកួតម្តងៗ ពីព្រោះខ្លាចភ្លាត់ស្នៀតរបួសដោយយថាហេតុណាមួយ។
ប្រពន្ធម្ចាស់ខ្សែក្រវាត់រូបនេះបន្ថែមទៀតថា ប្ដីគាត់ចង់បានខ្សែក្រវាត់មួយក្នុងអាជីពប្រដាល់ បន្ទាប់ពីចូលប្រឡូកក្នុងអាជីពឈឺខ្លួននេះច្រើនឆ្នាំហើយ ប៉ុន្តែមិនធ្លាប់បានខ្សែក្រវាត់ឡើយ។ ប៉ុន្តែនៅពេលនេះបំណងប្រាថ្នាចង់បានខ្សែក្រវាត់របស់គាត់បានសម្រេចហើយ ដូច្នេះអ្នកស្រីចង់ឲ្យប្ដីឈប់ឡើងសង្វៀនត្រឹមនេះទៅ។ ម្យ៉ាងទៀតវ័យកាន់តែច្រើន ហើយកម្លាំងក៏កាន់តែខ្សោយ។
អ្នកស្រីបន្ថែមថា កាលពីប្រកួតកន្លងទៅ ប្ដីរបស់អ្នកស្រីបានរងរបួសបាក់ក្ដោងច្រមុះម្ដងហើយទើបមិនចង់ឃើញប្ដីមានរបួសឬខួចខាតរាងកាយត្រង់ចំណុចណាផ្សេងទៀតនោះទេ។
សូមទស្សនាការលើកឡើងរបស់អ្នកស្រី វណ្ណៈ ភ័ណនិសា
អ្នកស្រី វណ្ណះ ភ័ណនិសា បានរៀបការជាមួយ ឡុង សុវណ្ណឌឿន តាំងពីឆ្នាំ២០១២ដែលរហូតដល់ពេលនេះមានកូន២នាក់ហើយគឺប្រុសមួយស្រីមួយ៕
អត្ថបទ៖ នួន ស៊ីណា
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
