ចំណុចពិសេសៗពី Canon Photomarathon ឆ្នាំនេះ

2016-10-10 18:22:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតថតរូបប្រចាំឆ្នាំដ៏ធំក្នុងប្រទេសកម្ពុជា "Canon Photomarathon 2016” បានប្រព្រឹត្តទៅកាលពីម្សិលមិញនៅកោះពេជ្រ ដោយមានអ្នកចូលរួមយ៉ាងច្រើនកុះករ។ នេះជាការប្រកួតលើកទី៦ក្រោមការរៀបចំរបស់ក្រុមហ៊ុន i-Qlick ដោយឆ្នាំនេះមានចំណុចពិសេសមួយចំនួនគួរឲ្យចាប់អារម្មណ៍។

បើការលើកឡើងរបស់អ្នកនាង ឈាវ សុវណ្ណនី មានតួនាទីខាងប្រព័ន្ធផ្សព្វផ្សាយ និងទីផ្សារនៅក្រុមហ៊ុន i-Qlick បានឲ្យដឹងថា ការប្រកួតលើកនេះពិតជាមានភាពអស្ចារ្យខុសប្លែកពីឆ្នាំមុនដោយរួមមាន៖ - អ្នកចូលរួមប្រកួតដល់ទៅជាង១២០០នាក់ដែលជាចំនួនមួយច្រើនជាងឆ្នាំមុន

បេក្ខជន បេក្ខនារីទាំងអស់មានគំនិតច្នៃប្រឌិតខ្ពស់ សមត្ថភាពខ្លាំងក្នុងប្រកួតប្រជែងខ្ពស់
រង្វាន់ឆ្នាំនេះគឺមានច្រើនជាងឆ្នាំមុន ដោយរួមមានកាមេរ៉ា Canon EOS 6D, Canon EOS 750 D, វិញ្ញាបនបត្រចូលរួម និងរង្វាន់ជាច្រើនទៀតពីអ្នកឧបត្ថម្ភកម្មវិធីផ្សេងៗ។

គួរបញ្ជាក់ថា Canon Photomarathon 2016 មានប្រធានបទបីដាក់ឲ្យបេក្ខជនប្រកួតប្រជែងរួមមាន៖ ១.ជីវិតរីករាយ ២.ភាពស្រស់ថ្លា ឬ ថ្មីជានិច្ច និង ៣.ជីវិតនិងតន្ត្រី។ អ្នកឈ្នះទាំង១៨នាក់នឹងត្រូវទៅប្រកួតជុំទីពីរនៅសៀមរាបបន្តទៀត។ មិនតែប៉ុណ្ណោះ បេក្ខជន ឬ បេក្ខនារីម្នាក់នឹងមានសំណាងឈ្នះដំណើរទស្សនកិច្ចថតរូប Photo Clinic ទៅកាន់ប្រទេសជប៉ុនផងដែរ៕