ការបញ្ចេញទេពកោសល្យថតរូបក្នុងកម្មវិធី Canon Photomarathon ឆ្នាំ២០១៦

2016-10-20 17:23:05
ចំនួនមតិ 0 | ចំនួនចែករំលែក 0

ចន្លោះមិនឃើញ

Canon Photomarathon ដែលជាព្រឹត្តិការណ៍ថតរូបធំបំផុតប្រចាំឆ្នាំរបស់ក្រុមហ៊ុន Canon នៅប្រទេសកម្ពុជាបានប្រព្រឹត្តិឡើងរយៈពេលពេញមួយថ្ងៃទី៩ ខែតុលា ឆ្នាំ២០១៦ ដោយមានបេក្ខជនជាង១២០០នាក់មកពីគ្រប់ស្រទាប់វណ្ណៈចូលរួម ក្នុងគោលបំណងតែមួយ គឺការថតរូបឲ្យបានល្អឥតខ្ចោះដើម្បីទទួលជ័យជន្នះ។

ជាទូទៅ ក្នុងព្រឹត្តិការណ៍ Canon Photomarathon នៅទូទាំងអាស៊ី បេក្ខជនត្រូវបានផ្តល់ប្រធានបទថតរូបបី ដែលប្រធានបទនីមួយៗមានរយៈពេលកំណត់៣ម៉ោង។ បេក្ខជនត្រូវប្រើគំនិតច្នៃប្រឌិតរបស់ខ្លួនក្នុងការថត ធ្វើយ៉ាងណាឲ្យរូបដែលថតបានប្រកបដោយគុណភាពខ្ពស់។ ចំពោះប្រធានបទ Canon Photomarathon កម្ពុជាឆ្នាំនេះ រួមមាន៖ «ជីវិតរីករាយ» , «ភាពស្រស់ស្រាយ» និង «តន្ត្រីនិងជីវិត» ។

អ្នកឈ្នះក្នុងឆ្នាំ ២០១៦ៈ សម្រាប់ព័ត៌មានអំពីអ្នកឈ្នះ បានប្រកាសលើទំព័រហ្វេសប៊ុកក្រុមហ៊ុន i-Qlick ចាប់ពីថ្ងៃទី១០ ខែតុលា ឆ្នាំ២០១៦។ ចំពោះប្រព័ន្ធផ្សព្វផ្សាយផ្សេងៗអាចទាក់ទងលោកស្រី ឈាវ សុវណ្ណនី តាមលេខទូរស័ព្ទ៖ 016 852 566 ឬ 078 582 700 សម្រាប់ការសាកសួរព័ត៌មានលម្អិត ការសម្ភាស និងឯកសារផ្សេងៗអំពីអ្នកឈ្នះ។

មតិឆ្លើយតបរបស់គណៈកម្មការៈ លោក ថៃ វណ្ណថា (Jerry Thai) ដែលជាគណៈវិនិឆ្ឆ័យលើ Open Category បានឲ្យដឹងថា ក្រុមហ៊ុន i-Qlick តែងបង្កើតកម្មវិធី Canon PhotoMarathon នេះឡើងរាល់ឆ្នាំ ក្នុងគោលបំណងជួយជំរុញឲ្យគុណភាពថតរូបកាន់តែប្រសើរ។ ជាក់ស្ដែងឆ្នាំនេះ រូបថតច្រើនជាង ៥០% សុទ្ធតែបង្ហាញពីការច្នៃប្រឌិតខ្ពស់ក្នុងការថត ដែលមានការលំបាកក្នុងការជ្រើសរើសយ៉ាងខ្លាំង។ ពួកយើងសង្ឃឹមយ៉ាងមុតមាំថា គុណភាពថតរូបនឹងកាន់តែរីកចម្រើនទៅមុខបន្តទៀត។

យោបល់គណៈកម្មការៈ លោក ផាន ភារិទ្ធ (Miller) ជាគណៈវិនិច្ឆ័យ:លើ Student Category បានឲ្យដឹងថា ការអនុញ្ញាតឲ្យអ្នកថតរូបវ័យក្មេងកម្ពុជាចូលរួម គឺជាការលើកទឹកចិត្តមួយយ៉ាងសំខាន់។ ការប្រកួតនេះប្រៀបដូចជាការដុះខាត់សមត្ថភាពរបស់គេឲ្យខ្លាំង ។ លោកថាវាជាការត្រួសត្រាយផ្លូវសម្រាប់សម្រេចគោលដៅទៅអនាគតរបស់ពួកគេ។ការរីកចម្រើននៃបច្ចេកវិទ្យាម៉ាស៊ីនថតជួយជំរុញឲ្យមនុស្សជាច្រើនអាចថតរូបបានងាយស្រួលជាងមុន។ យើងសង្ឃឹមថាទំនោរនៃការថតរូបរបស់យុវជនក្មេងៗនេះនឹងកាន់តែកើនឡើងនៅពេលអនាគត។ បញ្ជីឈ្មោះអ្នកចូលរួមឆ្នាំនេះត្រូវបានសម្រេចយ៉ាងម៉ត់ចត់បន្ទាប់ពីការប្រជុំរបស់គណៈកម្មការ។ យើងរីករាយដោយឃើញអ្នកចូលរួមប្រកាន់ខ្ជាប់ទៅនឹងប្រធានបទ ដែលយើងដាក់ឲ្យ។

យោបល់នាយកគ្រប់គ្រងៈ លោក Andy Lee នាយករបស់ក្រុមហ៊ុន i-Qlickប្រចាំប្រទេសកម្ពុជាបានសម្តែងសេចក្តីរីករាយថា៖ «យើងជឿជាក់យ៉ាងមុតមាំក្នុងការលើកកម្ពស់ការថតរូបនៅកម្ពុជាដែលកំពុងរីកចម្រើនពីមួយឆ្នាំទៅមួយឆ្នាំ។ យើងខិតខំប្រឹងប្រែងដើម្បីនាំយកអ្នកដែលមានចំណូលចិត្តថតរូបដូចគ្នារួមជាធ្លុងមួយ។ កម្មវិធី Canon PhotoMarathon មួយនេះគឺជាតំណាងនៃការប្រកួតប្រជែងរូបថតផ្សាយបន្តផ្ទាល់មួយដែលមនុស្សមកពីគ្រប់ស្រទាប់វណ្ណៈទាំងអស់យកកាមេរ៉ារបស់ពួកគេធ្វើជាការតំណាងពិតនៃវិញ្ញាណខ្មែរ! »។

យោបល់ភ្ញៀវកិត្តិយសៈ កញ្ញា Noriko Gunji ប្រធាននាយកប្រតិបត្តិរបស់ក្រុមហ៊ុន Canon Singapore Pte Ltd បានថ្លែងក្នុងសុន្ទរកថាបើកថា៖ «កម្មវិធី Canon PhotoMarathon ជាតំណាងឱ្យផ្នែកមួយនៃការប្រកួតប្រជែងថតរូប ផ្សាយបន្តផ្ទាល់នៅក្នុងប្រទេសកម្ពុជា។ អ្នកចូលរួមត្រូវខ្នះខ្នែង ដើម្បីបញ្ចប់ប្រធានបទទាំងបី ដោយត្រូវស៊ូទ្រាំជាមួយអាកាសធាតុ និងស្ថានភាពចរាចរណ៍ ដើម្បីផ្ដិតយក រូបថតស្រស់ស្អាតឲ្យត្រូវនឹងប្រធានបទផ្តល់ឱ្យ។ អ្នកចូលរួមទាំងអស់សុទ្ធតែជាអ្នកស្រឡាញ់សិល្បៈនៃការថតរូប ហើយខ្ញុំមានជំនឿថា កម្មវិធីនេះនឹងក្លាយជាការបំផុសគំនិតដ៏សំខាន់មួយ។ បច្ចុប្បន្ននេះ អ្នកដែលចូលចិត្តសិល្បៈថតរូបអាចមានឱកាសច្រើនក្នុងការជួបជាមួយអ្នកដែលមានចំណង់ចំណូលចិត្តស្រដៀងគ្នាផ្សេងទៀត។ ខ្ញុំសង្ឃឹមថាពួកគេនឹងយកឱកាសនេះដើម្បីចែករំលែកជាមួយគ្នានូវបច្ចេកទេសរបស់ពួកគេ បង្កើនមិត្តភាពថ្មី និងសំខាន់បំផុតគឺមានភាពសប្បាយរីករាយ»។

ម្ចាស់ឧបត្ថម្ភកម្មវិធីប្រកួតថតរូប Canon PhotoMarathon ប្រចាំកម្ពុជា ឆ្នាំ 2016 Canon PhotoMarathon កម្ពុជាឆ្នាំ 2016 ត្រូវបានរៀបចំដោយក្រុមហ៊ុន i-Qlick និងគាំទ្រដោយក្រុមហ៊ុន Canon ។ ដៃគូក្រុមហ៊ុនទូរស័ព្ទចល័តជាផ្លូវការនៅឆ្នាំនេះគឺក្រុមហ៊ុន Smart ។ ម្ចាស់ឧបត្ថម្ភធំ (Gold) គឺមានក្រុមហ៊ុនទូរស័ព្ទ Acer, Super Coffee, ក្រុមហ៊ុនធានារ៉ាប់រង Forte, រមណីយដ្ឋាន Vikirirom Pine Resort និង Advance Photo System Limited។ ដៃគូសហការឧបត្ថម្ភ (Silver) រោងភាពយន្ត Platinum Cinplex និង Sunny Coco។ សហការឧបត្ថម្ភបន្ទាប់(Broze) មាន Krispy Kreme, Police Body Size, ភេសជ្ជៈ Olatte, ទឹកបរិសុទ្ធ EuroTech និង រោងភាពយន្ត Legend Cinema ។ ដៃគូសហការផ្សព្វផ្សាយព័ត៌មានរួមមាន Sabay និងកាសែតភ្នំពេញប៉ុស្តិ៍។

រង្វាន់ធំ - ដំណើរកម្សាន្តថតរូប Canon Photo Clinic នៅប្រទេសជប៉ុន ម្នាក់ក្នុងចំណោមអ្នកឈ្នះទាំង១៨រូនឹងត្រូវបានជ្រើសរើស ដើម្បីចូលរួមក្នុងដំណើរទស្សនកិច្ចទៅប្រទេសជប៉ុន ចំនួន៨យប់៩ថ្ងៃ ជាមួយអ្នកឈ្នះផ្សេងៗទៀតមកពីជុំវិញតំបន់អាស៊ី ដែលគិតជាទឹកប្រាក់ប្រមាណ៥០០០ដុល្លារ។

អ្នកឈ្នះរង្វាន់ធំ នឹងត្រូវជ្រើសរើសដោយក្រុមហ៊ុន Canon នៅសិង្ហបុរី ផ្អែកលើបណ្ដុំរូបភាពដែលអ្នកឈ្នះទាំង១៨រូបបានថត និងផ្ញើឲ្យ ក្នុងអំឡុងពេលបណ្ដុះបណ្ដាលថតរូបក្នុងកម្មវិធីរូបថតអង្គរ (Angkor Photo Festival) នៅខេត្តសៀមរាប។

ចំណាត់ថ្នាក់រូបថតដែលមានអ្នកចូលចិត្តច្រើនបំផុត រូបភាពដែលទទួលបានជយលាភីទាំងអស់ ពីប្រធានបទទូទៅ (Open Category) និងប្រធានបទសម្រាប់សិស្ស (Student Category) នឹងត្រូវបានដាក់បង្ហោះនៅលើទំព័រហ្វេសប៊ុករបស់ក្រុមហ៊ុន i-Qlick: www.facebook.com/iQlickCambodia សម្រាប់ការបោះឆ្នោតជាសាធារណៈ ចាប់ពីថ្ងៃទី១០ ខែតុលា ដល់ថ្ងៃទី១៦ ខែតុលា ឆ្នាំ២០១៦។ រូបភាពដែលមានចំនួន Like ច្រើនបំផុតនៃ ការបោះឆ្នោតនឹងទទួលជយលាភី ហើយអ្នកឈ្នះនឹងទទួលប័ណ្ណទិញទំនិញពីក្រុមហ៊ុន i-Qlick ដែលមានតម្លៃ១០០ដុល្លារអាមេរិក។

លក្ខណៈពិសេស នៅលើប្រតិទិនប្រចាំឆ្នាំរបស់ក្រុមហ៊ុនធានារ៉ាប់រង Forte ដើម្បីជាការលើកទឹកចិត្តដល់ជ័យលាភីទាំងអស់ និងលើកស្ទួយវិស័យថតរូបនេះ ម្ចាស់ឧបត្ថម្ភធំ (Gold) គឺក្រុមហ៊ុនធានារ៉ាប់រង Forte នឹងជ្រើសរើសយករូប១២សន្លឹក ពីរូបថតទទួលបានជយលាភីទាំងអស់ មកដាក់នៅក្នុងប្រតិទិនថ្មីរបស់ពួកគេប្រចាំឆ្នាំ២០១៧។

ក្រុមហ៊ុន Smart ក្នុងយុទ្ធនាការនានៅពេលអនាគត ក្រុមហ៊ុនទូរស័ព្ទចល័ត ក្រុមហ៊ុន Smart Axiata ដែលជាដៃគូរបស់កម្មវិធី Canon PhotoMarathon ឆ្នាំ២០១៦ បាននិងកំពុងសម្លឹងរកមើលបេក្ខជនជយលាភីនៅឆ្នាំនេះ។ អ្នកចូលរួមទាំងអស់ នឹងមានការភ្ញាក់ផ្អើល សម្រាប់យុទ្ធនាការស្វែងរកនេះ នាពេលអនាគត៕

សំរាប់ព័ត៌មានបន្ថែមសូមចូលទៅគេហទំព័រ www.i-qlick.com Rទាក់ទង៖ ឈ្មោះKevin Chua នាយកទីផ្សារផ្នែកផ្សព្វផ្សាយ ទូរស័ព្ទ+855 (0)1583 9150 អ៊ីម៉ែល+855 (0)1583 9150

ឈ្មោះឈាវ សុវណ្ណនី បុគ្គលិកជំនាញទីផ្សារផ្នែកផ្សព្វផ្សាយ ទូរស័ព្ទ+855 (0)1685 2566 អ៊ីម៉ែលmktg11@i-qlick.com

អត្ថបទៈ ដៃគូសហការ