យេយេ និយាយរឿងអ្វីខ្លះពាក់ព័ន្ធ G-Devith

2016-11-03 14:11:13
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្តែងភេទទី៣ យេយេ បានប្រាប់ឲ្យដឹងថា រូបគេពិតជាស្រឡាញ់ពេញចិត្តតារាចម្រៀង ងួន ចាន់ដេវីត ខ្លាំងណាស់ ព្រោះតារាចម្រៀងរូបនេះស្រស់សង្ហារហើយថែមទាំងរួសរាយទៀត។

“ច៎ាសបងខ្ញុំស្រឡាញ់គាំទ្រ ដេវីត ដោយសារតែគាត់ជាតារាចម្រៀងម្នាក់ដែលមិនមានឬកពារឆ្មើងឆ្មៃ តែងតែបង្ហាញស្នាមញញឹមដាក់អ្នកគាំទ្រជានិច្ចបង ហើយអ្វីដែលពិសេសជាងហ្នឹងទៅទៀតនោះគឺគាត់(ដេវីត)មានបទចម្រៀង Original Song ច្រៀងដោយខ្លួនឯងមិនបានចំលងពីប្រទេសជិតខាង"។ យេយេ ថ្លែង។

ភេទទី៣វ័យ២៤ឆ្នាំរូបនេះបានបន្ថែមទៀតថា រូបនាងស្រឡាញ់គាំទ្រ ដេវីត នេះមិនបានគិតក្នុងន័យស្នេហានោះទេ គឺក្នុងនាមជាFan ម្នាក់តែប៉ុណ្ណោះ។នាងបន្តថា "បើនិយាយពីរឿងស្នេហាវិញខ្ញុំមិនដែលខ្វល់ទេបងព្រោះគ្មានបុរសណាគេមកស្រឡាញ់ភេទទី៣ ដូចជាយើងនេះស្មោះនោះទេ នេះជាការពិតណាបង"។

ការលើកឡើងរបស់ យេយេ គឺស្របពេលដែលបានជួប ដេវីត នៅក្នុងកម្មវិធីមួយដោយផ្ទាល់ទើបដឹងថា ដេវីត ជាតារាចម្រៀងម្នាក់ដែលគួរឲ្យស្រឡាញ់ទាំងការនិយាយស្តី និងចរិកឬកពារ៕

អត្ថបទ៖ ឆុង ស៊ីណាន