អធិរាជបេះដូង (ភាគទី២៥)

2016-11-07 13:30:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ភាគទី២៥

«ម៉ោះ បងជួយលាប ទៅសម្រាកទៅ!» សូត្រានិយាយផងលាត់ដៃអាវ ហើយអង្គុយក្បែរនាង តែដាណែនបដិសេធ៖ «ខ្ញុំចង់ធ្វើខ្លួនឯង!» នាងនិយាយ ហើយគេនៅតែលូកដៃមកទាញយកជក់ទៅ ហើយដៃម្ខាងទៀតទាញធុងថ្នាំពីនាង។ «ទៅសម្រាក!» គេនិយាយតិចៗ ធ្វើឱ្យនាងក្ដៅចិត្តងើបឡើងសន្សឹមៗសម្លឹងរាងកាយនិពន្ធនាយកដែល អង្គុយលាបថ្នាំហាក់មិននឹងនរ។ ឃើញគេនាងនឹកឃើញជានិច្ចដល់ដាមិកា មនុស្សស្រីដែលឮតែឈ្មោះក៏ឈឺចិត្ត។

«ខ្ញុំចង់លាបជាមួយម៉ាឌី!» នាងថាតិចៗទាំងចិត្តខឹងចង្អៀត ធ្វើឱ្យសូត្រាទប់ដៃលែងធ្វើចលនា។ មិនឈប់ត្រង់ណេះ ដាណែន បណ្ដេញគេបន្ថែម៖ «ហើយចង់លាបតែពីរនាក់! អត់ចង់មានអ្នករំខាន!» សូត្រាបោះជក់ទៅក្នុងធុង។ និពន្ធនាយកក្រោកឡើងមកយឺតៗ ហើយក្រឡេកមើលមកម៉ាឌី មុនមើលទៅនាងដែលឈរក្រពាត់ដៃ។ ដាណែនខឹងគេសមណាស់ ព្រោះគេបានដកហូតយកឯកសាររបស់នាង ថែមទាំងបំផ្លាញទឹកចិត្តស្នេហារបស់នាងដោយចំហ ប៉ុន្តែសូត្រាគិតថា វាប្រសើរជាងដែលមកនិយាយកុហកនាងដែរ។

ដែលគេបារម្ភនឹងស្រីម្នាក់នេះ ព្រោះគេដឹងពីចរិតបើកទូលាយ ងាយទុកចិត្តមនុស្សដែលអាចនាំគ្រោះថ្នាក់ មកឱ្យនាងបាន ដូច្នេះទើបគេក្រោកពីគ្រែទាំងព្រលឹមចោលដាមិកាឆ្ពោះមកកាន់ទីនេះតែម្ដង។ «បងមកចង់បកស្រាយចង់ឱ្យយើងឈប់ខឹង!» គេនិយាយតិចៗទៅកាន់នាង ហើយជាការប្រឈមត្រង់ៗតាមចរិតពីដើមរៀងមករបស់គេ។ ឮដូច្នេះម៉ាឌីបែរខ្នងដើរចេញ។ ទោះយ៉ាងណា ក្នុងភ្នែកកំលោះបាត់ដំបង សូត្រានិងដាណែន គឺជាមិត្តចាស់ដែលមានចំណងទំនាក់ទំនងមាំទាំជាយូរមកហើយ។ គេដឹងថាដាណែនបានកើតទុក្ខ ពេញមួយយប់ ចំណែកពេលនេះសូត្រាមកបកស្រាយពន្យល់គឺជារឿងល្អ។

ចុចអានបន្ត...