ទិញ១ថែម១! ហាងតែបៃតងខ្មែរ នស២រ សម្ពោធសាខាថ្មីស្អាតដាច់គេក្នុងខណ្ឌសែនសុខ

2016-11-24 04:49:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ហាងតែបៃតងបែបខ្មែរដែលមានកេរ្តិ៍ឈ្មោះល្បីល្បាញជាច្រើនឆ្នាំ នស២រ បានសម្រេចបើកសម្ពោធសាខាថ្មីមួយទៀតហើយ នៅតាមបណ្ដោយផ្លូវ1986 ក្នុងខណ្ឌសែនសុខ នៅថ្ងៃសុក្រ ទី២៥ វិច្ឆិកា នេះ។ ហាងថ្មីនេះគឺជាសាខាទី៦ ដែលត្រូវបានគេឲ្យដឹងថា ធំជាងមុន ហើយទាំងការឌីហ្សាញ និងបរិយាកាស កាន់តែស្អាតទាក់ទាញជាងមុន ពិសេសនោះ គឺមានរូបព្យញ្ជនៈខ្មែរធំទាំង៣៣តួនៅលើជញ្ជាំងយ៉ាងស្រស់ស្អាត បើឃើញហើយជឿជាក់ថាដឹងតែទាញទូរសព្ទមកថតតែម្ដង។

មិនខុសពីសាខាមុនៗទេ ហាងតែបៃតងនេះតែងផ្ដោតការឌីហ្សាញដោយប្រើលក្ខណៈខ្មែរ និងជំរុញឲ្យមានបរិយាកាសបែបលំហែអារម្មណ៍ ដោយអតិថិជនគ្រាន់តែអង្គុយផឹកតែក្នុងហាង គឺអាចទទួលអារម្មណ៍ថា បានធូរស្បើយពីភាពតានតឹងភ្លាមៗ។ ការរៀបចំកន្លែងអង្គុយក្នុងហាងមានគម្លាតពីគ្នាដែលអំណោយផលសម្រាប់ការជួបជុំមិត្តភក្តិជជែកគ្នាលេង ឬធ្វើកិច្ចការងារជាក្រុម ឬម្នាក់ឯងបានយ៉ាងល្អ។

សម្រាប់ឱកាសបើកសម្ពោធហាងថ្មីនេះ ក៏មានកម្មវិធីផ្ដល់ជូនពិសេស ទិញ ១ ថែម១ រយៈពេល ៤ ថ្ងៃ ចាប់ពីថ្ងៃសម្ពោធហាង គឺថ្ងៃសុក្រ ទី២៥ រហូតដល់ថ្ងៃទី២៩ វិច្ឆិកា នេះ និងកម្មវិធីដឹកជញ្ជូនដល់កន្លែងដោយឥតគិតថ្លៃផងដែរ។

ការផ្ដល់ជូនពិសេសនេះគឺដើម្បីលើកទឹកចិត្តអតិថិជនឲ្យមកសាករសជាតិតែបៃតងឆ្ងាញ់ៗជាច្រើនប្រភេទ ដូចជា តែបៃតងទឹកដោះគោ តែខ្ចីទឹកដោះគោ តែក្លាសិកទឹកដោះគោ តែក្រហមទឹកដោះគោ តែលាយរសជាតិទឹកផ្លែឈើ ទឹកផ្លែឈើស្រស់ និងកាហ្វេ ។ ក្រៅពីមានភេសជ្ជៈដ៏ឆ្ងាញ់ពិសាទាំងនេះហើយ ហាងតែបៃតងក៏មានលក់នំជាច្រើនប្រភេទសម្រាប់ញ៉ាំជាមួយតែដែរ បើឃើញហើយច្បាស់ជាចង់សាកគ្រប់មុខតែម្ដង។

តោះ! ចុងសប្ដាហ៍នេះទៅសាករសជាតិតែបៃតងនៅ នស២រ សាខាសែនសុខទាំងអស់គ្នា។ កុំភ្លេច! ថតរូប Selfie និង Check in ផងណា៎

ចាប់ផ្ដើមដំបូងក្នុងឆ្នាំ២០១១ ហាងតែបៃតងនស២រ លេចចេញពីស្នាដៃកូនខ្មែរពិតៗ ដែលបច្ចុប្បន្ននេះមានសាខា៦ហើយ គឺសាខាធំនៅទួលទំពូង សាខាចតុមុខ សាខាសន្ធរមុក សាខាបាក់ទូក សាខាព្រះស៊ីសុវត្ថិ និងសាខាទី៦ចុងក្រោយបង្អស់នេះ គឺនៅខណ្ឌសែនសុខ។

សម្រាប់ព័ត៌មានបន្ថែម សូមចូលទៅកាន់វិបសាយផ្លូវការរបស់ នស២រ ឬ ហ្វេសប៊ុក Milk Green Tea