Klopp នៅតែដាក់ Mignolet ជាអ្នកចាំទីដៃទីមួយពេលប៉ះ Everton
- 2016-12-17 02:20:40
- ចំនួនមតិ 0 | ចំនួនចែករំលែក 0
Klopp នៅតែដាក់ Mignolet ជាអ្នកចាំទីដៃទីមួយពេលប៉ះ Everton
ចន្លោះមិនឃើញ
Simon Mignolet នឹងបន្តលេងជាអ្នកចាំទីជម្រើសទីមួយសម្រាប់ Liverpool ពេលប៉ះ Everton ក្នុងជំនួប Merseyside Derby យប់ថ្ងៃច័ន្ទ។ នេះបើតាមការបញ្ជាក់ពីអ្នកចាត់ការទូទៅ លោក Jurgen Klopp។
កាលពីដើមរដូវកាល អ្នកចាត់ការសញ្ជាតិអាល្លឺម៉ង់បានប្រកាសថា Loris Karius គឺជាអ្នកចាំទីដៃទីមួយ ហើយ Mignolet ចាំជាដៃទីពីរ តែយ៉ាងណាក៏ដោយបន្ទាប់ពីបង្កកំហុសធ្វើឲ្យ Liverpool លេងចាញ់ Bournemouth ៤-៣ និងស្មើ West Ham ២-២ Karius ពេលនេះត្រូវដាក់ឲ្យអង្គុយកៅអីបម្រុង។
Klopp និយាយក្រោយការសម្រេចចិត្តថា៖ "ខ្ញុំមិនចង់ប្ដូរកីឡាកររៀងរាល់សប្ដាហ៍ទេ ព្រោះវាមិនមែនគោលដៅរបស់យើង។ Simon លេងបានយ៉ាងល្អនៅប្រកួតប៉ះ Middlesbrough ដូច្នេះគេនឹងនៅតែជាជម្រើសដំបូង”។ Liverpool បច្ចុប្បន្នកំពុងឈរលេង២ក្នុងតារាង Premier League ក្រោយ១៦ប្រកួត មាន៣៤ពិន្ទុ តាមពីក្រោយលេខ១ Chelsea ចំនួន ៦ពិន្ទុ៕