Man City សម្លឹងរកអ្នកចាំទីថ្មី ពេលទីផ្សារបើកនៅរដូវក្ដៅ

2017-01-17 02:49:09
ចំនួនមតិ 0 | ចំនួនចែករំលែក 0

ចន្លោះមិនឃើញ

Pep Guardiola កំពុងរកអ្នកចាំទីថ្មីសម្រាប់ Manchester City ពេលទីផ្សារបើកនារដូវក្ដៅ (នៅអង់គ្លេសពីចន្លោះថ្ងៃទី ១កក្កដា ដល់១កញ្ញា) ខាងមុខ ដោយសារកុងត្រាអ្នកចាំទីដៃទី២ Willy Caballero អស់សុពលភាព។

Claudio Bravo

អ្នកចាំទីថ្មីមិនមែនសម្រាប់ជំនួស Caballero តែមួយទេ តែក៏អាចជំនួស Claudio Bravo ផងដែរមូលហេតុព្រោះកីឡាករសញ្ជាតិឈីលីធ្លាក់ចុះទម្រង់លេងខ្លាំងចាប់តាំងពីផ្ទេរមកកាន់ទឹកដី Etihad។

Caballero បានផ្ទេរពី Malaga មក City កាលពីឆ្នាំ២០១៤ ហើយតែងលេងជាជម្រើសទី២តាំងពីជំនាន់លោក Manuel Pellegrini មកម្ល៉េះ។ យ៉ាងណាក៏ដោយរូបគេធ្លាប់ជួយក្រុម ឈ្នះពាន Capital One Cup កាលពីរដូវកាលមុនដោយចាប់បាល់ប៉េណាល់ទីរបស់ Liverpool ៣គ្រាប់នៅវគ្គផ្ដាច់ព្រ័ត្រ។

Caballero

Man City នៅមាន Joe Hart ម្នាក់ទៀតដែលត្រូវ Torino ខ្ចីជើងតែ Hart ទំនងជាមិនត្រឡប់មកវិញទេដោយសារមិនអាចសម្របខ្លួន និងមានទំនាក់ទំនងមិនល្អក្រោមការដឹកនាំរបស់លោក Guardiola៕

ប្រភព៖ theguardian ប្រែសម្រួល៖ វីរ័ត្ន