ដឹងអត់ថា អ្នកចាំទីក្រុមខ្លាំងមួយណា សង្គ្រោះបាល់ច្រើនជាងគេនៅ EPL រដូវកាលនេះ?

2017-01-18 23:17:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ឆ្លងកាត់ការប្រកួតជាងពាក់កណ្តាលរដូវកាលនៅ Premier League កន្លងមកនេះ ឃើញថាអ្នកចាំទីនៅក្រុមខ្លាំងៗដូចជា Chelsea, Tottenham Hotspur, Liverpool, Arsenal, Manchester City និង Manchester United មានអ្នកខ្លះធ្វើបានល្អ រីឯខ្លះក៏ធ្វើមិនបានល្អទេ ដោយរបូតគ្រាប់បាល់ជាច្រើន។

David de Gea របស់ក្រុម Man Utd ជាប់ជាកំពូលអ្នកចាំទី ពូកែសង្គ្រោះបាល់លេខ១

បើតាម Sky Sports ដែលដកស្រង់ទិន្នន័យមកពី World in Motion បានវាយតម្លៃអ្នកចាំទីក្រុមខ្លាំងៗ ក្នុងការជួយសង្គ្រោះបាល់ពីការស៊ុត មានចំនួន៧នាក់ គិតជាភាគរយដូចខាងក្រោម៖

១. David de Gea – Manchester United (៧៤%)

២. Thibaut Courtois – Chelsea (៦៧%)

៣. Hugo Lloris – Tottenham Hotspur (៦៤%)

៤. Petr Cech – Arsenal (៦១%)

៥. Loris Karius – Liverpool (៥២%)

៦. Simon Mignolet – Liverpool (៥០%)

៧. Claudio Bravo – Manchester City (២៨%)

Loris Karius (ឆ្វេង) របស់ក្រុម Liverpool ជាប់លេខ៥ រីឯមិត្តរួមក្រុម Mignolet លេខ៦

Claudio Bravo របស់ក្រុម Man City ទទួលបានចំណាត់ថ្នាក់អន់ជាងគេ លេខ៧

អ្នកចាំទី Bravo របស់ក្រុម Man City ដែលអ្នកចាត់ការ Pep Guardiola ទិញមកពី Barcelona តម្លៃ១៧,១លានផោន ដើមរដូវកាលនេះ ជាប់ចំណាត់ថ្នាក់អន់ជាងគេបំផុត បន្ទាប់ពីរបូតគ្រាប់បាល់២៣គ្រាប់ ពីការស៊ុតសរុប៥៤ជើង ហើយអ្នកចាំទីជម្រើសជាតិឈីលីរូបនេះ កំពុងរងសម្ពាធពីការរិះគន់ខ្លាំង បន្ទាប់ពីចាញ់ Everton ៤-០ ចុងសប្តាហ៍កន្លងទៅផងដែរ៕

ប្រភព៖ Sky Sports ប្រែសម្រួល៖ វិន ជីវ័ន្ត