ឱកាសបញ្ចេញស្នាដៃតែងនិពន្ធសៀវភៅ E-Book សម្រាប់ក្មេងៗរៀន
- 2017-02-03 08:45:37
- ចំនួនមតិ 0 | ចំនួនចែករំលែក 0
ឱកាសបញ្ចេញស្នាដៃតែងនិពន្ធសៀវភៅ E-Book សម្រាប់ក្មេងៗរៀន
ចន្លោះមិនឃើញ
"E-book Hackathon" ជាកម្មវិធីផលិតសៀវភៅអេឡិចត្រូនិច កំពុងស្វែងរកអ្នកដែលមានទេពកោសល្យតែងនិពន្ធសម្រាប់ក្មេងៗយកទៅសិក្សា ក្រោមប្រធានបទ៖ "ស្ត្រីអាចធ្វើអ្វីៗ បានទាំងអស់!"។
**អត្ថប្រយោជន៍ទទួលបាន៖** - អ្នកចូលរួមអាចបង្ហាញស្នាដៃនិពន្ធដែលនឹងលេចចេញជារូបរាងឡើង តាមរយៈការបោះពុម្ពបែបអេឡិចត្រូនិច - ទទួលបានយោបល់ថ្មីៗពីនិពន្ធនាយក និង អ្នកបោះពុម្ព ដែលមានជំនាញ - រៀនសូត្រពីបទពិសោធន៍ល្អៗ ក្នុងការបោះពុម្ពសៀវភៅបែបអេឡិចត្រូនិច - រៀនអំពីផ្នែកផ្សេងៗ នៃការផលិតសៀវភៅកុមារពីសមាជិកក្នុងក្រុម - រង្វាន់ជាសាច់ប្រាក់ និង អំណោយពីក្រុមហ៊ុនទូរស័ព្ទ Smart Axiata។
លក្ខខណ្ឌនៃការដាក់ពាក្យ៖
តម្រូវការសាច់រឿង ១/ សាច់រឿងដែលផ្ញើមកកាន់គម្រោងតោះអាន! ត្រូវមានលក្ខណៈដូចខាងក្រោម៖
ត្រូវមានភាពច្នៃប្រឌិតសាច់រឿងត្រូវលើកកម្ពស់ភាពស្រមើស្រមៃរបស់កុមារ និង បង្កលក្ខណៈសប្បាយក្នុងការអាន។ ដើម្បីឲ្យសាច់រឿងមានលក្ខណៈគួរឲ្យចាប់អារម្មណ៍សម្រាប់កុមារ សាច់រឿងនោះគួរតែមានបញ្ហា ភាពចម្រូងចម្រាស់ ឬ អាថ៌កំបាំងអ្វីមួយ ដែលត្រូវដោះស្រាយ កុមារអាចយល់ពីតួអង្គក្នុងសាច់រឿងបាន មានលក្ខខ័ណ្ឌសមស្របដូចចំណុច ខាងក្រោម។
២/ ខ្លឹមសារដែលយើងចង់បានពីសៀវភៅដែលផលិតក្នុងគម្រោងតោះអាន! គឺការលើកកម្ពស់សិទ្ធិស្រ្តី ក្រោមប្រធានបទ ស្រ្តីអាចធ្វើអ្វីៗបានទាំងអស់។ ត្រូវមានតួអង្គសំខាន់ជាស្រ្តី យ៉ាងតិច១រូប ហើយការបរិយាយអំពីស្រ្តីនៅក្នុងសាច់រឿងត្រូវមានលក្ខណៈគួរឲ្យចាប់អារម្មណ៍ និង មិនស្ថិតក្រោមគំនាបប្រពៃណីទំនៀមទម្លាប់។
៣/ សាច់រឿងត្រូវមានលក្ខខណ្ឌសមស្របសម្រាប់កម្រិតអំណានថ្នាក់ទី៣៖
ចំណាំ៖ តួអង្គដែលមិនមែនជាមនុស្សដូចជា សត្វ ឫ វត្ថុគ្មានជីវិត អាចរាប់ជាតួអង្គសំខាន់បាន ប្រសិនបើតួអង្គទាំងអស់នោះមានភេទស្រី។
កាលបរិឆ្ឆេទឈប់ទទួលពាក្យ បេក្ខជនដែលមានបំណងដាក់ពាក្យអាចដាក់ពាក្យពីថ្ងៃនេះ រហូតដល់ត្រឹមថ្ងៃទី១២ ខែកុម្ភៈ ឆ្នាំ២០១៧ ទើបផុតកំណត់។
គម្រោងនេះមានគោលបំណងចែកចាយសៀវភៅទៅកាន់សាធារណៈជន ដើម្បីលើកកម្ពស់វប្បធម៌នៃការអាននៅប្រទេសកម្ពុជា។ សៀវភៅអេឡិចត្រូនិចដែលបានបង្កើតឡើង នឹងត្រូវបានទៅកាន់សាធារណៈជន ហើយសៀវភៅអេឡិចត្រូនិចទាំងអស់នេះ ក៏នឹងអាចយកទៅបោះពុម្ភជាសៀវភៅបានផងដែរ។ គោលដៅចំបងនៃការបង្កើតសៀវភៅនេះ គឺការជម្រុញឲ្យមានការប្រើប្រាស់ និងចែកចាយសៀវភៅឱ្យបានទូលំទូលាយ ទៅដល់កុមារគ្រប់រូប ជាពិសេសកុមារដែលជួបប្រទះការខ្វះខាត។
អាជ្ញាប័ណ្ណCREATIVE COMMONS
សៀវភៅរឿងដែលបានបោះពុម្ពដោយកម្មវិធីហាក់កាសន របស់គម្រោងតោះអាន! សម្រាប់សារៈប្រយោជន៍ប្រជាជនកម្ពុជា នឹងត្រូវបានដាក់ផ្សព្វផ្សាយដោយសេរី លើគេហទំព័ររបស់គម្រោង តោះអាន! នៅក្រោមអាជ្ញាប័ណ្ណ «CREATIVE COMMONS»។ សម្រាប់ពត៌មានបន្ថែមអំពី អាជ្ញាប័ណ្ណ «CREATIVE COMMONS» សូមចូលទៅកាន់គេហទំព័រ នៅទីនេះ។