ដូង ម៉ាណា បង្ហើបរឿងចូលថតកុនសាជាថ្មី(វីដេអូ)

2017-04-07 00:08:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ទើបតែរៀបការរួច តារាសម្ដែងមានងារជាតារាស្រីសប្បុរសធម៌ អ្នកនាង ដូង ម៉ាណា បានបង្ហើបឲ្យដឹងថា ឆាប់ៗខាងមុខនេះ ខ្លួននឹងវិលចូលអាជីពជាតារាសម្ដែងម្ដងទៀត បន្ទាប់ពីបោះបង់ចោលអាជីពមួយនេះច្រើនឆ្នាំមក។

អាជីពតារាសម្ដែងដែលដូង ម៉ាណា គ្រោងប្រឡូកនោះ គឺអ្នកនាង និងត្រូវសម្ដែងភាពយន្តខ្នាតធំមួយក្នុងពេលឆាប់ៗនេះ ឲ្យផលិតករល្បីឈ្មោះមួយ។ ទាំងចំណងជើងរឿង ខ្លឹមសារ ក៏ដូចជា អ្នកដឹកនាំសម្ដែង ដួង ម៉ាណា ស្នើសុំលាក់សិន ព្រោះវាជាការសម្ងាត់របស់ក្រុមហ៊ុន។ ជាមួយគ្នានោះដែរ ដួង ម៉ាណា បានបង្ហើបចំណុចមួយនៃរឿងនោះ គឺជារឿងបែបបូរាណ ដោយក្នុងនោះ តារាសម្ដែងសុទ្ធតែជាតារាជើងចាស់ ល្បីៗចូលរួមស្ដែង។

កាលពី៦ឆ្នាំមុខ ដួង ម៉ាណា ធ្លាប់បានសម្ដែងភាពយន្តម្ដងមកហើយ គឺរឿង "កំលោះឡឺកឺ" ឲ្យស្ថានីយទូរទស្សន៍ប៉ុស្តិលេខ៥ ដែលរឿងមួយនោះ គឺជារឿង ដំបូងរបស់នាងក្នុងអាជីពជាតារាសម្ដែង។ ជាមួយការ ហក់ចូលវិស័យភាពយន្តជាថ្មីនេះ ពិធីការិនី របស់ស្ថានីយទូរទស្សន៍អប្សរារូបនេះ សង្ឃឹមថា នឹងជួយលើកប្រជាប្រិយភាពរបស់ខ្លួនថែមមួយកម្រិតទៀតជាក់ជាមិនខាន។

សូមស្ដាប់វីដេអូ របស់ ដូង ម៉ាណា ជុំវិញការវិលមក រកអាជីពសម្ដែងម្ដងទៀតទាំងអស់គ្នា៕

អត្ថបទ៖ ស៊ុនហួត