គ្រាន់តែថតរូបបង្ហោះលើបណ្ដាញសង្គម អាចផ្ដិតរូបបានភ្លាមតាមរយៈកម្មវិធី Social Wall Asia

2017-04-18 09:18:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ភ្ញៀវដែលធ្វើដំណើរកម្សាន្តនៅព្រឹត្តិការណ៍អង្គរសង្ក្រាន្តទាំងអស់គ្រាន់តែថតរូបខ្លួនឯងហើយបង្ហោះនៅលើបណ្ដាញសង្គម រួចទៅកាន់ស្ដង់កុងទីន័រ Smart នៅមុខអង្គរនោះ ក្រុមការងារ Smart នឹងស្វែងរករូបថតរបស់លោក អ្នក ឃើញភ្លាម ហើយផ្ដិតឲ្យភ្លែត។

កញ្ញា គង់ សុខហ៊ាង អ្នកគ្រប់គ្រងផ្នែកការអភិវឌ្ឈន៍អាជីវកម្ម Social Wall Asia ដែលបានបង្កើតកម្មវិធីនេះឡើងឲ្យ Smart បាននិយាយថា អតិថិជនជាច្រើនបានមកស្ដង់នេះ រួចឃើញរូបរបស់ពួកគេ បន្ទាប់មកពួកយើងបានពន្យល់ នឹងបានផ្ដិតរូបឲ្យពួកគេភ្លាមៗ។

កញ្ញា កញ្ញា គង់ សុខហ៊ាង

លក្ខខណ្ឌនៃការផ្ដិតរូបបាន គឺប្រិយមិត្តគ្រាន់តែថតរូបតាមទូរសព្ទរួចបង្ហោះនៅលើបណ្ដាញសង្គមរបស់ខ្លួន វាយពាក្យ Smart Axiata និង ពាក្យ #phumsmart រួចជាស្រេច រួចចុចបង្ហោះរូបនោះ គម្រោង Social Wall Asia នឹងអាចទាញ Data បាននៅឯភូមិស្មាត មិនខាន។ ដូច្នេះ ក្រុមការងារនឹងជួយផ្ដិតរូបភាពឲ្យភ្លាម ដោយមិនគិតថ្លៃ។

កញ្ញា សុខហ៊ាង បានបញ្ជាក់ទៀតថា កម្មវិធីនេះ អាចទាញ Data បានដោយប្រិយមិត្តទាំងអស់បង្ហោះរូបភាពនៅលើបណ្ដាញសង្គម ៣ គឺ Facebook, Twitter និង Instagram។

គិតត្រឹមរយៈពេល ៣ថ្ងៃ នៃពិធីបុណ្យចូលឆ្នាំខ្មែរនៅអង្គរវត្ត គឺមានអតិថិជនបានមកផ្ដិតរូបភាពយ៉ាងតិច ៣ ពាន់នាក់ ខណៈកម្មវិធីថ្មីនេះ មិនធ្លាប់មានពីមុនមកនៅប្រទេសកម្ពុជា។

ស្ដាប់ការពន្យល់លម្អិតពីកញ្ញា គង់ សុខហ៊ាង តាមរយៈវីដេអូខាងក្រោមនេះ