៥ បទនិយាយពីឪពុកល្បីពីរោះដល់ច្រៀងតាមមិនដឹងខ្លួន (វីដេអូ)

2017-06-14 13:53:28
ចំនួនមតិ 0 | ចំនួនចែករំលែក 0

ចន្លោះមិនឃើញ

ទិវារំលឹកគុណឪពុកកំពុងខិតជិតមកដល់ហើយ គឺនៅថ្ងៃ អាទិត្យ ទី ១៨ មិថុនាខាងមុខនេះ។ ទោះបីនេះមិនមែនជាវប្បធម៌របស់ខ្មែរយើង តែគ្រប់គ្នាសុទ្ធតែមានឪពុក គ្រាន់តែទំនាក់ទំនង និងរបៀបបង្ហាញក្ដីស្រលាញ់រវាងឪពុកកូនអាចខុសប្លែកគ្នាទៅតាមជាតិសាសន៍ និងទំនៀមទម្លាប់ប្រពៃណី។ គ្រួសារខ្លះឪពុកនិងកូនអាចមានទំនាក់ទំនងផ្អែមល្ហែមស្និតស្នាលខ្លាំង ខ្លះក៏មិនសូវជិតស្និត ខ្លះទៀតដាច់ឆ្ងាយតែម្ដងដោយហេតុផលណាមួយ។

យ៉ាងណាក៏ដោយគុណតម្លៃឪពុកនៅតែសំខាន់មិនអាចខ្វះបានឡើយដើម្បីបំពេញសុភមង្គលគ្រួសារពេញលេចញមួយ ។ ដូច្នេះបុរសគ្រប់រូបគួរចងចាំថា បើទោះជាខ្លួនមិនបានទទួលភាពកក់ក្ដៅពីឪពុក ក៏ត្រូវធ្វើជាឪពុកល្អជាគំរូដល់កូនៗដែរ។

ថ្ងៃនេះ Sabay បានរកឃើញ ៥បទ ដែលបង្កប់អត្ថន័យជ្រាលជ្រៅពីរៀបរាប់ពីរឿងរ៉ាវឪពុក បើបានស្ដាប់ហើយដឹងតែរំជួលចិត្តអាចដល់ថ្នាក់ស្រក់ទឹកភ្នែកទៀតផង។

តោះ! មកស្គាល់បទពីរោះរណ្ដំ ៥ បទ នេះ ៖

១.លោកឪពុក-ច្រៀងដោយលោក ព្រាប សុវត្ថិ

បទចម្រៀងនេះ និយាយពីអារម្មណ៍របស់កូនប្រុសម្នាក់ដែលធ្លាប់ទទួលបានភាពកក់ក្ដៅ និង ក្ដីស្រលាញ់ពីឪពុក តែនៅពេលនេះឪពុកបានឃ្លាតទៅឆ្ងាយហើយ ។ គ្រប់ឃ្លានៅក្នុងបទនេះសុទ្ធតែមានអត្ថន័យជ្រាលជ្រៅ ដែលបង្ហាញពីទំនាក់ទំនងយ៉ាងស្និតស្នាលរវាងឪពុក និង កូន ។

**២.Dear Father-ច្រៀងដោយ ក្រុមចម្រៀង SmalWorld SmallBand**

ទោះជាបង្កប់អត្ថន័យស្រដៀងគ្នានឹងបទខាងលើ តែរបៀបរៀបរាប់អារម្មណ៍ដែលនឹកដល់លោកឪពុកគឺផ្សេងគ្នាទាំងស្រុង។ នេះជាបទចម្រៀងបែបយុវវ័យជំនាន់ថ្មី កាន់តែពិសេសនោះបទនេះនិយាយពីអារម្មណ៍ពិតរបស់អ្នកចម្រៀងម្នាក់ក្នុងក្រុមគឺ ម៉ម ពេជ្យរិទ្ធនេះតែម្តង ដូច្នេះបើដឹងរឿងគាត់និងឪពុកគឺស្ដាប់បទនេះទៅពីរោះថ្វេរដង

៣.ប៉ា -ច្រៀងដោយ លោក ទ្រី សក្តា បទនេះពិតជាផ្អែមល្ហែម ចាក់ដោតអារម្មណ៍ បង្កប់ទៅដោយភាពកក់ក្ដៅ រៀបរាប់ពីសេចក្ដីស្រលាញ់ ការលះបង់របស់លោកឪពុកចំពោះកូន ។ ឃ្លាដែលរំជួលចិត្តមួយក្នុងបទនេះ គឺ «ក្តីស្រលាញ់មួយដែលមិនចេះសាបសូន្យគឺ ប៉ាតែងផ្ដល់ឲ្យកូនមុនគេ ....»

៤.លោកប៉ា -ច្រៀងដោយ វណ្ណ ចេស្តា និង ពន្លឺ

បទនេះជាប្រភេទបទ Rap រៀបរាប់ពីអនុស្សាវរីយ៍ជាច្រើនមិនអាចបំភ្លេចបានរបស់កូនជាមួយលោកឪពុកជាទីស្រលាញ់។ របៀបរៀបរាប់គឺក្បោះក្បាយអាចឲ្យអ្នកស្ដាប់ស្រមៃឃើញរូបភាពដ៏កក់ក្តៅរវាងឪពុកនិងកូន ហើយឃ្លាដែលរំជួលចិត្តបំផុតនោះ គឺ «លោកប៉ាវិលវិញ.... »

៥.ឈាមឱពុក- ច្រៀងដោយ ខេម ខុសប្លែកគ្នាខ្លាំងពីប្រភេទបទខាងលើ នេះជាបទបែបមនោសញ្ចេតនាជ្រាលជ្រៅរៀបរាប់ពីទុក្ខសោកឪពុកម្នាក់ដែលមានកូនស្រីមានជំងឺជាប់ខ្លួនពីកំណើត ឃ្លាដែលរំជួលចិត្តបំផុតនោះគឺ « កូនស្រីឪពុកទុកស្មើជីវិត ...»ស