ហុង ដា ថាបើទោះអារម្មណ៍មិនទាន់ស្ងប់ តែលើឆាកមិនឱ្យទស្សនិកជនខ្វល់ខ្វាយ

2017-06-17 06:36:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ហុង ដា ថាបើទោះអារម្មណ៍មិនទាន់ស្ងាប់ តែលើឆាកមិនឱ្យទស្សនិកជនខ្វល់ខ្វាយ

តារាកំប្លែងនាយ ហុង ដា និយាយថា បើទោះជាពេលនេះអារម្មណ៍របស់លោក មិនទាន់ស្ងប់ ១០០% ក្រោយភរិយាទើបស្លាប់ក្ដី ប៉ុន្តែចំពោះការសម្ដែងលើឆាក លោកមិនឱ្យទស្សនិកជនខកចិត្តឡើយ ដោយធ្វើយ៉ាងណា បង្កើតបរិយាកាសឱ្យកាន់តែសប្បាយរីករាយ។ ក្រោយធ្វើឱ្យទស្សនិកជនរីករាយ តារាកំប្លែងរូបនេះ នៅតែមានអារម្មណ៍ ដិតដាមក្នុងចិត្តដដែល។

យ៉ាងណាក៏ដោយនាយ ហុង ដា បញ្ជាក់ថា លោកនឹងពុះពារគ្រាប់ឧបសគ្គ ដោយមិនរុញរាឡើយ បើទោះជាមានហេតុការណ៍អ្វីផ្សេងទៀតកើតឡើងក៏ដោយ។ ជាពិសេសអាជីពសិល្បៈផ្ទាល់តែម្ដង ដោយលោកប្ដេជ្ញាចិត្តថា នឹងបម្រើអារម្មណ៍ទស្សនិកជន រហូតដល់ទស្សនិកជនលែងត្រូវការ។

ងាកទៅរកអតីតភរិយាអ្នកនាង ឃ្មឹប ទើបតែវិលចូលសិល្បៈវិញ ដោយត្រូវសម្ដែងរួមគ្នាក្នុងក្រុមនាយ កុយ នាយ ហុង ដា បញ្ជាក់ថា គ្មានអ្វីល្អក់កករនឹងគ្នាទេ ដោយការសម្ដែងទៅរលូន។ លោកអះអាងដូច្នេះ ក៏ព្រោះតែលោកធ្លាប់សម្ដែងជាមួយគ្នាយូរមកហើយ និងធ្លាប់រួមរស់នឹងគ្នាថែមទៀត។

លោកនៅតែចាត់ទុកអតីតភរិយាអ្នកនាង ឃ្មឹប គឺជាដៃគូសម្ដែងល្អ បើទោះជាមិនអាចរួមរស់ជាមួយគ្នាឡើងវិញក៏ដោយ។ ម្យ៉ាងលោកនៅតែរាប់អាននាង ដូចជាបងប្អូនដ៏ល្អ។

នាយ ហុង ដា ជាតារាកំប្លែងមានឈ្មោះបោះសំឡេងម្នាក់ ក្នុងចំណោមថាកំប្លែងនានា ក្នុងក្រុមកំប្លែងនាយ កុយ។

ភ្លៀងធ្វើឲ្យចង្រិតមនោសញ្ចេតនា ០០៧ តាម៉ាប់លក់មិនសូវដាច់

ម្ចាសរទេះចង្រិតមនោសញ្ចេតនា ០០៧ ដែលល្បីថាស្រួយ ឈ្ញុយឆ្ងាញ់ បានខ្ចឹបប្រាប់ ៣០ដេលីថា តាំងពីចូលឆ្នាំ ២០១៧ មក ការលក់ចង្រិតនៅម្តុំកោះពេជ្រ មានការធ្លាក់ចុះខុសពីឆ្នាំមុនជាង៣០%។

តាម៉ាប់បន្តថា កាលពីឆ្នាំមុនៗ លោកអាចលក់ចង្រិតបានពី ៣០ ទៅ ៤០គីឡូក្រាម ប៉ុន្តែតាំងពីចូលឆ្នាំ២០១៧មក លោកអាចលក់បានតែ ២០ ទៅ ២៥គីឡូក្រាមប៉ុណ្ណោះក្នុងមួយថ្ងៃ។

ចង្រិតមនោសញ្ចេតនា០០៧ កោះពេជ្រ លក់មួយកំប៉ុង ៤ពាន់រៀល។ ក្រៅពីចង្រិត រទេះមួយនេះ ក៏មានដាក់លក់ចាបបំពង តាឡនតន ដុកឌឿ កំពីស កន្ទេសឡង់ និងកន្ទាទូកផងដែរ។

របរអ៊ុតសៀវភៅរកលុយបានក៏បាន តែពិបាកក៏ពិបាក

តូបតូចមួយនៅលើចិញ្ចើមផ្លូវ ដោយមានឆត្រពណ៌សម្បកឪឡឹកបាំងពីលើ នៅម្ដុំផ្សារចាស់ ស្ត្រីវ័យកណ្ដាលម្នាក់កំពុងមមាញឹក ញាប់ដៃញាប់ជើងអ៊ុតសៀវភៅរាប់រយក្បាលនៅគរពីខាងមុខ។

ត្បិតតែមុខរបរតូចមួយនេះ មិនសូវមានអ្នកចាប់អារម្មណ៍ច្រើន ប៉ុន្តែវាបានជួយឱ្យគ្រួសារអ្នកស្រី អាចបន្តជីវភាពបានជាង២០ឆ្នាំមកហើយ។ ម្ចាស់តូបអ៊ុតសៀវភៅ ដែលសុំមិនបញ្ចេញឈ្មោះខាងលើប្រាប់ថា អ្នកស្រីចេះជំនាញនេះតាំងពីឆ្នាំ១៩៩៣មកម្ល៉េះ គឺរៀនតពីបងប្អូន ហើយក្នុងមួយថ្ងៃអាចរកចំណូលបាន ប្រហែល៣ ទៅ៤ម៉ឺន គិតជាសៀវភៅប្រហែល ១០០ ក្បាល។

អ្នកស្រីបានបន្តថា ក្រៅពីអ៊ុតសៀវភៅសិស្ស តូបរបស់គាត់ក៏មានទទួលអ៊ុតសៀវភៅស្នាក់នៅ អត្តសញ្ញាណប័ណ្ណ កាតគ្រីម៉ូតូ និងឯកសារផ្សេងៗ ទៅតាមការចង់បានរបស់ភ្ញៀវ។ ពេលសួរទៅដល់ការលំបាកក្នុងការប្រកបរបរមួយនេះវិញ អ្នកស្រីប្រាប់ថា ដូចជាមិនមានអ្វីលំបាកទេចំពោះបញ្ហាបច្ចេកទេស ព្រោះ២០ឆ្នាំនេះ អ្នកស្រីថ្នឹកដៃនឹងវាទៅហើយ ប៉ុន្តែបញ្ហាអាកាសធាតុ ទើបជារឿងពិបាកពិតប្រាកដ ជាពិសេសនៅរដូវភ្លៀង ដោយសារការងារនេះ ត្រូវប្រើចង្ក្រានធ្យូង និងដែកដុតសម្រាប់អ៊ុត ដែលមិនអាចធ្វើបាន បើមានភ្លៀងធ្លាក់ខ្លាំង ម្យ៉ាងភ្លៀងខ្យល់សាចអាចធ្វើឱ្យខូចក្រដាស ឬសៀវភៅរបស់ភ្ញៀវផង៕

(ដាក់វីដេអូ)

អត្ថបទ៖ ៣០ដេលី