រឿងពិតគួរឲ្យភ្ញាក់ផ្អើល ទាំង១០ ពីសត្វឆ្មា ដែលអ្នកមិនធ្លាប់ដឹង ពីមុនមក
- 2017-06-17 03:40:20
- ចំនួនមតិ 0 | ចំនួនចែករំលែក 0
រឿងពិតគួរឲ្យភ្ញាក់ផ្អើល ទាំង១០ ពីសត្វឆ្មា ដែលអ្នកមិនធ្លាប់ដឹង ពីមុនមក
ចន្លោះមិនឃើញ
តើអ្នកធ្លាប់ដឹងទេថា សត្វឆ្មា មានសមត្ថភាពខ្លាំង ក្នុងការសម្គាល់សំឡេងម្ចាស់របស់ពួកវា ប៉ុន្តែគ្រាន់តែពួកវាធ្វើជាមិនអើពើជាមួយយើង។
ខាងលើនេះ គ្រាន់តែជាការពិតតូចមួយនៃសត្វឆ្មា ដែលអ្នកមិនធ្លាប់បានដឹងប៉ុណ្ណោះ ហើយអ្នកនឹងភ្ញាក់ផ្អើលខ្លាំង នៅពេលបានដឹងការពិតទាំង ១០ ពីសត្វឆ្មានៅខាងក្រោមនេះ៖
#១ សត្វឆ្មាមួយក្បាល មានឈ្មោះថា Masha បានជួយជីវិតទារកម្នាក់។ សត្វឆ្មារោមវែង ពូជ Red Tabby នេះ បានរកឃើញទារកដែលគេបោះបង់ចោលម្នាក់ នៅក្នុងប្រអប់មួយ ខណៈកំពុងមានព្រិលធ្លាក់ ហើយក៏បានហក់ឡើងលើប្រអប់នោះ ដើម្បីផ្ដល់ភាពកក់ក្ដៅដល់ទារក និងស្រែកម៉េវ ដើម្បីហៅអ្នកដំណើរ។
#២ សត្វឆ្មា ពាំសាកសពសត្វទៅឲ្យអ្នក ព្រោះពួកវាគិតថាអ្នកគ្រាន់តែជា សត្វឆ្មាដែលមានសភាពទ្រុឌទ្រោម មិនអាចរស់ដោយខ្លួនឯងបានប៉ុណ្ណោះ។ ពួកវាធ្វើបែបនេះ ហាក់បីដូចជា ការជូនកាដូដល់អ្នកអីចឹង។
#៣ នៅពេលដែលសត្វឆ្មាបិទភ្នែករបស់វាយឺតៗ និងបើកវិញម្ដងទៀត ឬព្រិចភ្នែកដាក់អ្នក នោះមានន័យថា ពួកវាជឿជាក់លើអ្នក និងស្គាល់អ្នកថាជាមិត្តរបស់វា។
#៤ ទីជម្រកជាច្រើន មិនអនុញ្ញាតឲ្យយកសត្វឆ្មាសម្បុរខ្មៅមកចិញ្ចឹមឡើយ នៅអំឡុងពិធីបុណ្យ Halloween ព្រោះខ្លាចថា ពួកវានឹងធ្វើពលីកម្ម ឬទទួលទារុណកម្ម។
#៥ នៅក្នុងឆ្នាំ ១៨៧៩ សត្វឆ្មាត្រូវបានគេប្រើសម្រាប់នាំសារ នៅក្នុងប្រទេសបែលហ្សិក ប៉ុន្តែត្រូវបរាជ័យ។
#៦ រដ្ឋាភិបាលអង់គ្លេស មានមុខតំណែងមួយហៅថា «Chief Mouser to the Cabinet Office» ដែលអាចផ្ដល់ឲ្យតែសត្វឆ្មាប៉ុណ្ណោះ។
#៧ សត្វឆ្មាពេញវ័យ ស្រែកម៉េវ ដើម្បីទាក់ទងជាមួយមនុស្ស។
#៨ សត្វឆ្មាចាស់បំផុតលើពិភពលោក មានអាយុ ៣៨ ឆ្នាំ និង ៣៤ ឆ្នាំ ដោយមានម្ចាស់តែមួយ ហើយស៊ីអាហារដូចជា សាច់ជ្រូកបីជាន់ ស៊ុត ខាត់ណា និង កាហ្វេ។
#៩ ខួរក្បាលរបស់សត្វឆ្មា ដូចទៅនឹងខួរក្បាលរបស់មនុស្ស ៩០ ភាគរយ ហើយដូចខ្លាំងទៅនឹងខួរក្បាលរបស់សត្វសុនខ។
#១០ អ្នកបើកទូកក្ដោង ឬកម្មករនាវា បានចាត់ទុកសត្វឆ្មាសម្បុរខ្មៅថាជា សំណាងល្អ និងនាំយកវាទៅជាមួយ ដោយសង្ឃឹមថានឹងមានសុវត្ថិភាពក្នុងដំណើរតាមសមុទ្រ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
